நடிகரும் இசையமைப்பாளருமான ஜீ.வி.பிரகாஷ் மற்றும் பாடகி சைந்தவி இருவரும் காதலித்து திருமணம் செய்து கொண்ட நிலையில் சில மாதங்களுக்கு முன்பு கருத்து வேறுபாடு காரணமாக பிரிந்துவிட்டனர். கடந்த மே மாதம் இருவரும் விவாகரத்தை அறிவித்தபோது ரசிகர்கள் அனைவரும் ஷாக் ஆனார்கள்.

இந்நிலையில் சைந்தவி இன்ஸ்டாவில் வெளியிட்டு இருக்கும் ஒரு வீடியோ ரசிகர்கக்கு ஆச்சர்யத்தை ஏற்படுத்தி இருக்கிறது.

அடுத்த மாதம் ஜீ.வி.பிரகாஷ் மலேசியாவில் கச்சேரி நடந்த இருக்கிறார். அதில் சைந்தவியும் பங்கேற்று பாட இருக்கிறாராம்.

அதை வீடியோவில் சைந்தவி கூறி இருக்கிறார். அதில் 'ஜீ.வி.பிரகாஷ் சார்' எனவும் அவர் பேசும்போது குறிப்பிடுகிறார். விவாகரத்து ஆனாலும் அவர்கள் இருவரும் professional ஆக சேர்ந்து இருப்பது பற்றி ரசிகர்களும் ஆச்சர்யமாக கமெண்ட் செய்து வருகின்றனர்.

சூர்யா நடிப்பில் கங்குவா படம் கடந்த நவம்பர் 14ம் தேதி ரிலீஸ் ஆனது. படம் pan இந்தியா ஹிட் ஆகும் என படக்குழு ஆந்திரா, மும்பை என பல இடங்களுக்கு சென்று ப்ரோமோஷன் செய்தனர். ஆனால் ரிலீஸ் ஆன முதல் நாளே வந்த விமர்சனங்களால் வசூலில் பெரிய பாதிப்பு ஏற்பட்டு இருக்கிறது. விமர்சனங்களை தொடர்ந்து 12 நிமிட காட்சியும் படத்தில் இருந்து நீக்கப்பட்டது. இருந்தும் படத்தின் வசூல் தொடர்ந்து டல் அடித்து கொண்டிருப்பதாக பாக்ஸ் ஆபிஸ் வட்டாரங்கள் கூறி வருகின்றன.

அட்லீ ஜவான் படம் மூலமாக பாலிவுட்டில் நுழைந்து இருக்கிறார். அந்த படம் 1000 கோடிக்கும் மேல் வசூலித்து சாதனை படைத்தது. அடுத்து அட்லீ சல்மான் கான் நடிக்கும் படத்தை இயக்க போகிறார். அதற்கான முதற்கட்ட பணிகள் கடந்த ஒரு வருடமாக செய்து வருகிறார் அட்லீ. இது இரண்டு ஹீரோக்கள் பற்றிய கதை என்றும் இன்னொரு ஹீரோ ரோலுக்கு ரஜினிகாந்த் அல்லது கமல்ஹாசன் உடன் பேச்சுவார்த்தை நடத்த இருப்பதாகவும் தகவல் வெளியாகி இருக்கிறது.

இசையமைப்பாளர் ஏ.ஆர்.ரகுமான், தமிழ் சினிமா ஏன் இந்திய சினிமா கொண்டாடும் பிரபலமாக உள்ளார். எந்த ஒரு நிகழ்ச்சி வந்தாலும் ஒரு அமைதி, அடக்கம் என தான் ஒரு பெரிய பிரபலம் என்பதை மறந்து சாதாரணமாக மக்களோடு மக்களாக பயணிப்பார். இவர் தனது மனைவி சாய்ராவை 29 வருட திருமண வாழ்க்கைக்கு பிறகு விவாகரத்து செய்வதாக அறிவித்தார்.

2024ஆம் ஆண்டு பெரிதும் எதிர்பார்க்கப்பட்ட திரைப்படங்களில் ஒன்று அமரன். சிவகார்த்திகேயன் - ராஜ்குமார் பெரியசாமி கூட்டணியில் உருவான இப்படத்தை, கமல் ஹாசனின் ராஜ்கமல் நிறுவனம் தயாரித்தது. மேலும் சாய் பல்லவி இப்படத்தில் கதாநாயகியாக நடிக்க, ஜி.வி. பிரகாஷ் குமார் இசையமைத்திருந்தார். இந்திய ராணுவத்தில் பணிபுரிந்து உயிர்நீத்த மேஜர் முகுந்த் வரதராஜனின் வாழ்க்கையை மையமாக வைத்து எடுக்கப்பட்ட அமரன், மக்கள் மத்தியில் மாபெரும் வெற்றியடைந்துள்ளது.

நடிகை கீர்த்தி சுரேஷ் விரைவில் திருமணம் செய்ய இருக்கிறார் என சில தினங்களுக்கு முன்பு இருந்து செய்திகள் வந்து கொண்டிருக்கிறது. ஆண்டனி தட்டில் என்பவர் உடன் கடந்த 15 வருடங்களாக கீர்த்தி சுரேஷ் காதலில் இருக்கிறார் என்றும், அவரை வரும் டிசம்பர் 11 மற்றும் 12ம் தேதி கோவாவில் நடைபெறும் திருமணத்தில் கரம் பிடிக்க இருக்கிறார் என கூறப்படுகிறது.

பொன்னியின் செல்வன் படத்தில் பூங்குழலியாக நடித்து இருந்தவர் ஐஸ்வர்யா லட்சுமி. அவர் அதன் பிறகு நடித்த கட்டா குஸ்தி படமும் அவருக்கு நல்ல பெயரை பெற்று தந்தது. நடித்தது குறைந்த அளவிலான படங்கள் என்றாலும் அவர் அதிகம் ரசிகர்களை ஈர்த்த நடிகைகளில் ஒருவராக இருந்து வருகிறார்.

நடிகர் விஜய்யின் கடைசி படம் தளபதி69 ஷூட்டிங் தற்போது விறுவிறுப்பாக நடைபெற்று வருகிறது. விஜய் ஏற்கனவே அரசியல் கட்சி தொடங்கி முழு நேர அரசியலில் ஈடுபட போவதாக அறிவித்துவிட்டு நிலையில் அவர் கடைசியாக நடிக்கும் படத்தின் மீது எதிர்பார்ப்பு பல மடங்கு அதிகரித்து இருக்கிறது.

கடந்த 2021ல் வெளியான புஷ்பா தி ரைஸ் படத்தை யாருமே மறந்திருக்க மாட்டோம். அந்த அளவிற்கு விறுவிறுப்பின் உச்சமாக அல்லு அர்ஜுனின் மாறுபட்ட லுக்கில், நடிப்பில் வெளியான இப்படம் மாஸ் வசூல் வேட்டை நடத்தியது. இந்த படத்தில் இடம்பெற்ற புஷ்பானா பயர், ஸ்ரீவள்ளி பாடல், ஊ சொல்றியா போன்ற பாடல்கள் எல்லாம் பட்டிதொட்டி எங்கும் கலக்கியது. முதல் பாக வெற்றியை தொடர்ந்து பயராக 2வது பாகம் தயாராகியுள்ளது.

சமீபத்தில் நடிகை நயன்தாரா தனுஷ் மீது பல குற்றச்சாட்டுகளை வைத்து வெளியிட்ட கடிதம் பெரிய சர்ச்சை ஆனது. நானும் ரௌடி தான் பட தயாரிப்பாளரான தனுஷ் அந்த படத்தின் காட்சிகள், பாடல், பாடல் வரிகள் போன்ற எதையும் தனது திருமண ஆவணப்படத்தில் பயன்படுத்த அனுமதி அளிக்கவில்லை என கூறி இருந்தார்.

இரண்டு தசாப்தங்களுக்கு பிறகு மோகன்லாலும் மம்முட்டியும் இணையும், மலையாள சினிமாவின் பிரமாண்ட முயற்சி, இலங்கையில் படப்பிடிப்பு ஆரம்பம்!! மலையாள சினிமாவின் வரலாற்றை மாற்றி எழுதும் பிரமாண்ட முயற்சி, மோகன்லால் தீபம் ஏற்றி வைக்க அதிகாரப்பூர்வமாக தொடங்கியது. இயக்குநர் மகேஷ் நாராயணன் இயக்கத்தில், இந்த மல்டி ஸ்டாரர் படம், இருபது ஆண்டுகளுக்குப் பிறகு மம்முட்டி மற்றும் மோகன்லாலை திரையில் ஒன்றாகக் கொண்டுவருகிறது. இந்த பெரும் ஆளுமைகளுடன், நட்சத்திர நடிகர்களான ஃபஹத் ஃபாசில், குஞ்சாக்கோ போபன் மற்றும் நயன்தாரா உட்பட மற்றும் பலர் இணைந்து நடிக்கவுள்ளனர். இது மலையாள சினிமாவில் மிகவும் எதிர்பார்க்கப்படும் திரைப்படங்களில் ஒன்றாக மாறியுள்ளது.

நிதிலன் சுவாமிநாதன் இயக்கத்தில் விஜய் சேதுபதி நடிப்பில் கடந்த ஜுன் 14ம் தேதி வெளியாகி இருந்த திரைப்படம் மகாராஜா. இதில் விஜய் சேதுபதியை அடுத்து அனுராக் காஷ்யப், மம்தா மோகன்தாஸ், அபிராமி, நட்டி உள்ளிட்ட பலர் நடித்திருந்தனர். பாலியல் வன்கொடுமைக்கு எதிராக விஷயங்களை பேசிய இப்படத்திற்கு ரசிகர்கள் நல்ல வரவேற்பு கொடுத்தனர்.

நடிகர் அஜித் நடிப்பில் கடைசியாக திரையரங்குகளில் ரிலீஸ் ஆன படம் துணிவு. அப்படத்திற்கு பிறகு விடாமுயற்சி படத்தில் கமிட்டானவர் அப்பட படப்பிடிப்பை முடித்து இப்போது குட்க பேட் அக்லி படத்தின் படப்பிடிப்பில் பிஸியாக இருக்கிறார். இடையில் விடாமுயற்சி படத்தின் டப்பிங் வேலைகள் தொடங்கிவிட்டதாக டப்பிங் பணியின் போது எடுக்கப்பட்ட புகைப்படங்கள் வெளியாகி இருந்தது. மகிழ்திருமேனி இயக்கத்தில் தயாராகும் இப்பட ரிலீஸ் குறித்து இதுவரை எந்த தகவலும் இல்லை.

தமிழ் சினிமாவின் பாக்ஸ் ஆபிஸ் நாயகர்களாக இருப்பவர்கள் ரஜினி-விஜய். இவர்களின் படங்கள் தான் மாறி மாறி வசூல் வேட்டை நடத்தி டாப் பாக்ஸ் ஆபிஸ் லிஸ்டில் இடம் பெறுகின்றன. இந்த வருடத்தில் வெளியான படங்களில் நிறைய படங்கள் நல்ல வசூல் வேட்டை நடத்தியிருக்கிறது. தீபாவளி ஸ்பெஷலாகவும் நிறைய கதையுள்ள படங்கள் வெளியாகி வசூல் வேட்டை நடத்துகிறது.

பி.வாசு இயக்கத்தில் ரஜினிகாந்த், பிரபு, ஜோதிகா, நயன்தாரா, வடிவேலு, விஜயகுமார், நாசர், மாளவிகா, கேஆர்.விஜயா, வினீத் என ஏராளமான நட்சத்திர பட்டாளமே நடிக்க கடந்த 2005ம் ஆண்டு வெளியான படம் சந்திரமுகி. த்ரில்லர் கதையை காமெடியோடு ரூ. 19 கோடி பட்ஜெட்டில் உருவாக்கப்பட்ட இப்படம் பட்டிதொட்டி எங்கும் கலக்கி ரூ. 90 கோடி வரை வசூலை பெற்றது. இப்படம் 890 நாட்கள் ஓடி வசூல் வேட்டை நடத்தி சாதனை படைத்திருந்தது.

புஷ்பா 2 படம் வரும் டிசம்பர் 5ம் தேதி ரிலீஸ் ஆகிறது. அதன் முதல் பாகம் pan இந்தியா ஹிட் என்பதால் புஷ்பா 2 மீது மிகப்பெரிய எதிர்பார்ப்பு இருக்கிறது. சமீபத்தில் வெளியான ட்ரெய்லருக்கும் மிகப்பெரிய வரவேற்பு கிடைத்து இருக்கிறது. அதனால் இந்த படம் அடுத்த 1000 கோடி படம் என ரசிகர்கள் இணையத்தில் பேசி வருகின்றனர்.

சூர்யா நடித்து பாதியிலேயே வெளியேறிய படம் வணங்கான். அதன் பிறகு பாலா அந்த படத்தை அருண் விஜய்யை வைத்து எடுத்து முடித்திருக்கிறார். தற்போது முழு படத்தையும் அருண் விஜய் தனது குடும்பத்திற்கு போட்டு காட்டி இருக்கிறார். அதை பார்த்துவிட்டு அவர்கள் நெகிழ்ந்துவிட்டார்களாம். அதன் பின் பாலாவுக்கு நன்றி கூற ட்விட்டரில் ஒரு பதிவை அருண் விஜய் போட்டிருக்கிறார்.

நடிகை கீர்த்தி சுரேஷ் தமிழில் முன்னணி ஹீரோயின்களில் ஒருவராக இருக்கிறார். முன்னணி ஹீரோக்களுக்கு ஜோடியாக நடிப்பது மட்டுமின்றி அவர் பெண்களுக்கு முக்கியத்துவம் அளிக்கும் படங்களிலும் தொடர்ந்து நடித்து வருகிறார். 32 வயதாகும் கீர்த்தி சுரேஷுக்கு திருமணம் நடப்பதாக அடிக்கடி செய்திகள் வருவது வாடிக்கை தான். அவர் காதலில் இருப்பதாகவும் பல முறை செய்திகள் வந்திருக்கிறது. இருப்பினும் தனது காதலை பற்றி கீர்த்தி வெளிப்படையாக எதுவும் பேசியது இல்லை.

நடிகர் நெப்போலியன் என்று நினைத்ததுமே முதலில் நியாபகம் வருவது உயரம், கம்பீரமாக முறுக்கும் மீசை, வாட்டசாட்டமான ஒரு பிரபலம். சினிமா, அரசியல் என வலம் வந்த நெப்போலியன் அமெரிக்காவில் செட்டில் ஆகியிருக்கிறார். சமீபத்தில் தசை சிதைவு நோயால் பாதிக்கப்பட்ட தனது மூத்த மகன் தனுஷிற்கு கோலாகலமாக ஜப்பானில் திருமணம் செய்து முடித்துள்ளார் நெப்போலியன்.

நடிகை நயன்தாரா, இன்று அவர் தனது 40வது பிறந்தநாளை கொண்டாடி வருகிறார். இந்த ஸ்பெஷல் தினத்தில் நயன்தாரா மற்றும் விக்னேஷ் சிவனின் திருமண வீடியோ வெளியாகியுள்ளது. கடந்த 2022ம் ஆண்டு ஜுன் மாதம் 9ம் தேதி இவர்களது திருமணம் மாமல்லபுரத்தில் உள்ள தனியார் ரிசார்ட்டில் பிரம்மாண்டமாக நடந்தது. இதில் முன்னணி திரை பிரபலங்கள் கலந்துகொண்டனர்.

சிவகார்த்திகேயன், சாய் பல்லவி நடித்த அமரன் படம் தற்போதும் தியேட்டர்களில் நல்ல வசூலை பெற்று கொண்டிருக்கிறது. சூர்யாவின் கங்குவா சமீபத்தில் ரிலீஸ் ஆன நிலையில் அதற்கு கலவையான ரெஸ்பான்ஸ் தான் கிடைத்து இருக்கிறது. அதனால் ஏற்கனவே ஓடிக்கொண்டிருந்த அமரன் படத்திற்கு இருக்கும் வரவேற்பு தொடர்ந்து கொண்டிருப்பதாக சினிமா வட்டாரத்தில் பேச்சு இருக்கிறது.