நிலவை பார்த்து அதில் ஓரு பாட்டி வடை சுட்டுவதாக கதை சொன்ன காலம் எல்லாம் மலை ஏறிவிட்டது. இப்போதெல்லாம் அந்த நிலா என்ன விலை என கேளுங்கள் என்ற நிலைமைக்கு வந்து விட்டோம். இப்போதே ராக்கெட் எடுத்து போய் பார்த்து வருகிறேன் என்ற நிலைக்கு காலம் சென்று கொண்டிருக்கிறது. எலான் மஸ்க்கின் spacex நிறுவனம் ஏற்கனவே பல வெற்றிகரமான விண்வெளி சுற்றுலா பயணங்களை நடத்திவிட்டது. மற்ற விண்வெளி நிறுவனங்களும் அதை பின்பற்றி விண்வெளி சுற்றுலாவிற்கு தயாராகி வருகிறார்கள்.

ஒரு ஹாலிவுட் படத்தை விட கம்மி பட்ஜெட்டில் செவ்வாய்க்கே ராக்கெட் விட்ட இஸ்ரோ மட்டும் சும்மா பார்த்துக் கொண்டு இருக்குமா என்ன? இஸ்ரோவும் 2030 ஆண்டில் விண்வெளிக்கு மக்களை சுற்றுலா அழைத்து செல்லும் தொழிநுட்பத்தை சோதனை செய்து வருகிறது. பாதுகாப்பான மற்றும் மீண்டும் பயன்படுத்தக்கூடிய விண்வெளிபயணத் தொகுதிகளை இஸ்ரோ சொந்தமாக தயாரித்து வருகிறது.

2030 இல் தொடங்க திட்டமிட்டுள்ள சுற்றுலா திட்டம் குறித்து இந்திய விண்வெளி ஆராய்ச்சி அமைப்பின் (இஸ்ரோ) தலைவர் எஸ் சோம்நாத் கூறும்போது, "இந்த பயணத்தை மேற்கொள்ளும் மக்கள் பத்திரமாக பூமிக்கு திரும்பும்படியான தொகுதிகள் தயாரிக்கும் பணி வேகம் எடுத்து வருகின்றன. விரைவில் முழு அமைப்புகளும் உருவாக்கப்பட்டு சோதனைகளும் நடைபெறும்" என்றார். சரி விண்வெளிக்கு நம்மை அழைத்து செல்ல எவ்வளவு கட்டணம் ஆகும் என்று தானே அடுத்து யோசிக்கிறீர்கள். அதையும் அவர்களே உத்தேசமாக சொல்லி விட்டார்கள்.

'இந்த விண்வெளி சுற்றுலாவிற்கு ஒரு டிக்கெட்டின் விலை சுமார் 6 கோடி ரூபாயாக இருக்கும். ஆனால் இது சந்தையில் உள்ள மற்ற சுற்றுலா பயணத்தில் விலைகளை பொறுத்து மாறுபடும்' என்று தெரிவித்துள்ளனர். 6 கோடி டிக்கெட் கொடுத்து போகும் பயணம் எவ்வளவு தூரம் இருக்கும் என்ற ஆவல் எழுந்து இருக்கும். நிலவு வரை அழைத்துச்செல்வார்களா என்ற பேராசை எல்லாம் கூடாது. ஏற்கனவே இருக்கும் spacex, ப்ளூ ஆரிஜின் போன்ற நிறுவனங்கள் தங்கள் மறுபயன்பாடு நியூ ஷெப்பர்ட் ராக்கெட் மூலம் பூமியை தரைமட்டத்தில் இருந்து உயர்ந்து வளிமண்டலத்தின் விளிம்பில் உள்ள துணை சுற்றுப்பாதையில் 15 நிமிடம் குறைந்த புவிஈர்ப்பு விசை நிலையை அனுபவிக்க வாய்ப்பளித்து வருகிறது.

இஸ்ரோவின் விண்வெளி சுற்றுலாவும் கிட்டத்தட்ட இந்த அளவை தான் எட்டும். விண்வெளியின் விளிம்பில் நின்று அதை உணர்ந்து விட்டு திரும்பும் பயணமாக தான் அமையும். மனிதர்களை விண்வெளிக்கு அனுப்பும் ககன்யான் திட்டமும் விண்வெளி சுற்றுலா திட்டமும் ஒருங்கே வேகமாக நடைப்பெற்றுக்கொண்டு வருகின்றன. விண்வெளிப் பயணத்தின் பாதுகாப்பு அம்சம் குறித்து கருத்து தெரிவித்த இஸ்ரோ தலைவர், விண்வெளிப் பயணங்களின் பாதுகாப்பு குறித்த கூடுதல் அறிவைப் பெற மறுபயன்பாட்டு லான்ச் வெஹிக்கிள் - டெக்னாலஜி டெமான்ஸ்ட்ரேட்டரை (ஆர்எல்வி-டிடி) பயன்படுத்துகிறோம் என்றார்.

இதனால் சாமானிய மக்களும் பாதுகாப்பாக பயம் இன்றி விண்வெளிக்கு சுற்றுலா செல்லும் வாய்ப்பு கிடைக்க இருப்பதாக கூறியுள்ளார். விண்வெளி சுற்றுலா செல்ல வேண்டும் என்று ஆசைப்பட்டால் இப்போது இருந்தே உங்கள் சேமிப்புகளை விரைவாக தொடங்குங்கள். 6 கோடி சேமிக்க வேண்டாமா? 2030 இல், இஸ்ரோ ராக்கெட்டில் விண்வெளி சுற்றுலாவிற்கு ஒரு டிக்கெட்டை போட்டுவிடலாம் என்ன ஒரே குஷி தானே...

உலகின் விலை உயர்ந்த உள்ளாடை என விக்டோரியாவின் சீக்ரெட் ஃபேண்டஸி ப்ரா கின்னஸில் இடம்பிடித்துள்ளது. உள்ளாடையின் மதிப்பு $15 மில்லியன் . இதில், 1,300 காரட் வைரம் மற்றும் மாணிக்கங்கள் பொறிக்கப்பட்டிருந்தன. இதுவரை தயாரிக்கப்பட்ட மிக விலையுயர்ந்த உள்ளாடைகளுக்கான கின்னஸ் புத்தகத்தில் இந்த ப்ரா இடம்பிடித்தது.

மக்களின் வேண்டுதல்களை நிறைவேற்றாத கடவுள்களுக்கு இந்திய மாநிலம் ஒன்றில் தண்டனை வழங்கப்படுகிறது. பொதுவாகவே மனிதர்கள், தான் நினைத்தது ஏதாவது நடக்கவில்லை என்றாலோ, ஏதாவது ஒரு தேவை இருக்கிறது என்றாலோ, கஷ்ட காலம் ஏற்படும் போதெல்லாம் கடவுளிடம் தான் குறைகளை சொல்வார்கள். அதில் சில விடயங்கள் நடப்பதுண்டு, சில விடயங்கள் நடக்காமல் போகலாம். ஆனால், சத்தீஸ்கர் மாநிலத்தில் வேண்டுதல்களை நிறைவேற்றாவிட்டால் கடவுளுக்கு தண்டனை வழங்கும் வினோதமான பழக்கங்கள் பின்பற்றப்பட்டு வருகிறது.

பிரபஞ்சத்தில் சூரியனை விட 500 ட்ரில்லியன் மடங்கு பிரகாசமான ஒளிரும் பொருளை வானியலாளர்கள் கண்டுபிடித்துள்ளனர். சூரியனை விட 500 ட்ரில்லியன் மடங்கு பிரகாசமுடைய இந்த குவாசருக்கு J0529-4351 என்று பெயரிடப்பட்டுள்ளது. இதுவரை எங்கும் கண்டிராத அளவுக்கு இது மிகவும் பிரகாசமான உள்ளதாகவும் வானியலாளர்கள் தெரிவித்துள்ளனர். ஐரோப்பிய தெற்கு ஆய்வகத்தின் VLT எனப்படும் மிகப்பெரிய தொலை நோக்கி மூலம் இதை அவர்கள் கண்டுபிடித்துள்ளனர்.

அமெரிக்க பெண் ஒருவர் அதிக எண்ணிக்கையில் பச்சை (Tattoo) குத்தி கின்னஸ் உலக சாதனை படைத்துள்ளார். அவரது உடலில் 99.98 சதவீதம் அவரது பச்சை குத்தல்களால் நிரம்பியுள்ளது. கைகள் மற்றும் கால்கள், உச்சந்தலை, நாக்கு, ஈறுகள், கண் இமைகளின் வெள்ளை வெளிப்புற அடுக்கு மற்றும் பிறப்புறுப்புகள் உட்பட உடலின் எந்த பாகத்தையும் அவர் விட்டுவைக்கவில்லை.

உலகின் பயங்கரமான பொம்மை இங்கிலாந்தின் தெற்கு யார்க்ஷயரில் உள்ள ரோதர்ஹாமில் உள்ளது. பேய் பிடித்த இந்த பொம்மை இதுவரை 17 பேரை தாக்கியுள்ளதாக நியூயார்க் போஸ்ட் செய்தி வெளியிட்டுள்ளது. கணவரால் ஏமாற்றப்பட்ட எலிசபெத் என்ற மணமகளின் ஆவி இந்த பொம்மை இருப்பதாக நம்பப்படுகிறது. இந்த காரணத்திற்காக, இது மணப்பெண் பொம்மை (Bridal Doll) என்றும் அழைக்கப்படுகிறது.

ஜப்பான் விமான நிலையத்தில் கத்தரிக்கோல் ஒன்று ்காணாமல் போனதால் 36 விமானங்கள் பயணத்தை இரத்து செய்த சம்பவம் ஒன்று இடம்பெற்றுள்ளது. கடந்த சனிக்கிழமை (17) ஜப்பானில் கொக்கைடோவின் நியூ சிட்டோஸ் விமான நிலையத்தின் உள் நுழையும் வாயிலின் அருகே இருந்த கடையொன்றில் கத்தரிக்கோல் காணாமல் போனதால் 36 விமானங்கள் இரத்து செய்யப்பட்டதோடு, 201 விமான சேவைகள் தாமதமடைந்துள்ளன.

கிணறுகள் வட்ட வடிவில் ஏன் இருக்கிறது என்பதையும், அதற்கு பின்னணியில் இருக்கும் காரணத்தையும் இந்த பதிவில் பார்க்கலாம். பண்டைய காலங்களில் இருந்து கிணறுகளில் தண்ணீர் சேமிக்கப்பட்டு வருகிறது. கிராமங்களில் இன்றும் கிணறுகள் இருந்து வருகிறது. நகரங்களிலும் சில இடங்களில் நாம் கிணறுகளை பார்க்க முடியும்.

கணவரை விட்டு பிரிந்து தனது மருமகளை மாமியார் ஒருவர் திருமணம் செய்து கொண்ட சம்பவம் பேசுபொருளாகியுள்ளது. இந்திய மாநிலமான பீகார், கோபால் கஞ்ச் மாவட்டத்தில் உள்ள பெல்வா கிராமத்தைச் சேர்ந்தவர் சுமன். இவருடைய சொந்த மருமகள் ஷோபா. இவருக்கு கடந்த 3 ஆண்டுகளாக மருமகள் மீது காதல் ஏற்பட்டுள்ளது.

சந்திர கிரகணம் என்பது பூமி சூரியனுக்கும் சந்திரனுக்கும் இடையில் வரும்போது, பூமியின் காரணமாக சூரியனின் ஒளி சந்திரனை அடைய முடியாது. இதன் காரணமாக பூமியின் நிழல் நிலவின் மீது விழுகிறது. இந்த வானியல் நிகழ்வு சந்திர கிரகணம் என்று அழைக்கப்படுகிறது. இந்து நாட்காட்டியின்படி, ஒவ்வொரு மாதமும் சுக்கில பக்ஷத்தின் கடைசி தேதியில் முழு நிலவு ஏற்படுகிறது. ஆனால் சனி சந்திர கிரகணம் என்பது முற்றிலும் வேறுபட்டது. இது எவ்வாறு நிகழும் என்பதை இந்த பதிவில் பார்க்கலாம்.

குஷ்பு, ரஜினி உள்ளிட்டவர்களுக்கு ரசிகர்கள் கோயில் கட்டிய நிலையில், பக்தர் ஒருவர் ஏலியனுக்கு கோயில் கட்டி கும்பிட்டு வருகிறார். தமிழக மாவட்டமான சேலம், மல்லமூப்பம்பட்டியை அடுத்த ராமகவுண்டனூரைச் சேர்ந்தவர் லோகநாதன். இவர், வேற்றுகிரகவாசிகள் என்று கூறப்படும் ஏலியனுக்கு கோயில் அமைத்து வழிபாடு செய்து வருகிறார்.

நூற்றுக்கும் மேற்பட்ட தம்பதிகள் குழந்தை பெற எனது விந்தணுக்களை தானம் செய்து உதவியுள்ளேன் என திருமணமாகாத டெலிகிராம் நிறுவனத்தின் இணை நிறுவனர் பாவெல் துரோவ் (Pavel Durov) தெரிவித்துள்ளமை பலருக்கும் வியப்பை ஏற்படுத்தியுள்ளது. பிரபல சமூக வலைதளமான டெலிகிராம் நிறுவனத்தின் இணை நிறுவனர் பாவெல் துரோவ் (Pavel Durov) அதன் தலைமை அதிகாரியாகவும் உள்ளார்.

கனடாவுக்கும் கிரீன்லாந்துக்கும் இடையே வெளியுலகுக்கு தெரியாத சிறிய கண்டம் இருப்பதாக புதிய ஆய்வில் தெரியவந்துள்ளது. 'டேவிஸ் ஜலசந்தி'யின் (Davis Strait) கீழ் இந்த 'மைக்ரோ கண்டத்தை' ஆராய்ச்சியாளர்கள் அடையாளம் கண்டுள்ளனர். இது முதன்முறையாக உப்சாலா பல்கலைக்கழகம் (Sweden) மற்றும் டெர்பி பல்கலைக்கழகம் (UK) ஆகியவற்றின் புவியியலாளர்களால் கண்டுபிடிக்கப்பட்டது.

டைனோசர் எலும்பு கூட்டை 44.6 மில்லியன் டொலருக்கு வாங்கிய பில்லியனரின் பெயர் தற்போது தெரியவந்துள்ளது. 44.6 மில்லியன் டொலருக்கு வாங்கப்பட்ட இந்த stegosaurus டைனோசரின் எலும்புக்கூடு சுமார் 150 மில்லியன் ஆண்டுகள் பழமையானது என்று கருதப்படுகிறது. Apex என்ற பொருத்தமான பெயருக்கு ஏற்றவாறு கிட்டத்தட்ட 11 அடி (3.3 மீட்டர்) உயரம், 27 அடி (8.2 மீட்டர்) நீளமும் கொண்ட கிட்டத்தட்ட முழுமையான டைனோசர் எலும்பு கூடு இதுவாகும்.

பிரபல சமையல் நிபுணரும், டி டால்டன்ஸ் என்ற உணவகத்தின் உரிமையாளருமான ராபர்ட் ஜான் டி வென் என்பவர் வித்தியாசமான பர்கரை உருவாக்கி அனைவரது கவனத்தையும் ஈர்த்துள்ளார். அவர் உருவாக்கிய பர்கரின் விலை 5 ஆயிரம் யுரோக்கள் (இந்திய மதிப்பில் ரூ.4.5 லட்சம்) என தெரிவிக்கப்பட்டுள்ளது.

தென் கொரியாவில் அரச சேவையில் ஈடுபட்டிருந்த ரோபோ ஒன்று தற்கொலை செய்து கொண்டதாக தகவல் வெளியாகியுள்ளது. தென் கொரியாவில் உள்ள குமி நகர சபையில் சுமார் ஒரு வருடமாக பணியாற்றி வந்த ரோபோவே இவ்வாறு தற்கொலை செய்து கொண்டுள்ளதாக தெரிவிக்கப்படுகிறது.

உயிருள்ள மனித தோல் செல்களிலிருந்து புன்னகைக்கும் ரோபோ முகத்தை ஜப்பானிய விஞ்ஞானிகள் உருவாக்கியுள்ளனர். ஜப்பானிய விஞ்ஞானிகள் மனித தோல் செல்களைப் பயன்படுத்தி, ஓர் ஹ்யூமனாய்ட் ரோபோவுக்கு இயற்கையான புன்னகையை வழங்கும் முகத்தைக் உருவாக்கியுள்ளனர். இது மனிதர்களுடனான ரோபோக்களின் தொடர்பு திறனை மேம்படுத்தும் என்று எதிர்பார்க்கப்படுகிறது.

மலேசியாவில் திருமண பந்தத்தில் இணைய தயாராக இருந்த நிலையில், கார் விபத்தில் சிக்கி உயிரிழந்த காதல் ஜோடிக்கு அவர்களது பெற்றோர் பேய் திருமணம் செய்து வைத்துள்ளனர். ஜிங்ஷன் என்ற இளைஞன், லீ என்ற பெண்ணை காதலித்து வந்தார். ஜூன் 2 ஆம் திகதி இருவருக்கும் திருமணம் நடைபெற இருந்தது.

பிராமணி மற்றும் ராஜீவ் ரெட்டியின் திருமணம் இந்தியாவின் மிக விலை உயர்ந்த திருமணமாக உள்ளது. திருமணங்கள் வாழ்க்கையில் மிக முக்கியமான நிகழ்வுகள் என்பது அனைவருக்கும் தெரியும். தங்கள் திருமணத்தை மறக்க முடியாததாக மாற்ற, பலர் தங்கள் சிறந்த முயற்சிகளை செய்கிறார்கள். பணக்காரர்கள் மற்றும் கோடீஸ்வரர்கள் தங்களின் செல்வத்தை தாராளமாக செலவிட்டு, மிகவும் பிரமாண்டமான திருமணங்களை நடத்துகிறார்கள்.

கனடாவில் அல்பர்ட் டா மாகாணத்தில் உலகின் மிகப்பெரிய ஐஸ் குச்சியை உருவாக்கும் சாதனை முயற்சி முன்னெடுக்கப்பட்டு வருகிறது. உலகில் மிகவும் உயரம் கூடிய ஐஸ் குச்சியை உருவாக்குவதற்கு தென் அல்பர்ட்டாவின் ஹட்டரைட் மக்கள் முயற்சி எடுத்து வருகின்றனர். மியாமி ஹட்ரைட் பாடசாலையின் மாணவர்கள் இந்த மிகப்பெரிய ஐஸ் குச்சி வடிவமைப்பில் ஈடுபட்டுள்ளனர்.

கற்பனை செய்து பாருங்கள், ஒரு துளி மது கூட அருந்தாமல் போதையை உணர்வது என்பதை! இதுதான் கனடாவின் Toronto-வை சேர்ந்த 50 வயது பெண்ணுக்கு சமீபத்தில் கண்டறியப்பட்ட அரிய நோயின் விசித்திரமான யதார்த்தம். இந்த அரிய வகை நோயில் (Auto-Brewery Syndrome), குடல் நுண்ணுயிரிகள் கார்போஹைட்ரேட்டுகளை மதுவாக மாற்றுகின்றன.