ஜனநாயக தமிழ் தேசிய கூட்டணியின்செயலாளர் நா. இரட்ணலிங்கம் 'பெறுமதியான உங்கள் வாக்குகளை குப்பையோடு குப்பையாக்காதீர்கள்' என்ற தொனிப்பொருளில் ஒரு ஊடக அறிக்கையை வௌியிட்டுள்ளார்.

வாக்குரிமை பெற்றுள்ள அனைவரும் தமது பெறுமதிமிக்க வாக்குகளை அளிப்பதன் மூலம் தமது விருப்பத்தினையும், எதிர்ப்பினையும், எதிர்பார்ப்புகளையும் எதிர்வரும் 14 ஆம் திகதி அன்று வெளிப்படுத்த தயாராகின்றனர்.

வாக்களிக்கவுள்ள மக்களுக்கு, குறிப்பாக வடக்கு கிழக்கின் ஐந்து தேர்தல் மாவட்டங்களிலும் வாழும் தமிழ் மக்களுக்கு, வாக்களிப்பின்போது விசேடமாக கருத்திற் கொள்ள வேண்டிய விடயங்கள் குறித்து அறிவுறுத்துவதும், தெளிவுபடுத்துவதும் தமிழ் மக்களின் நலன்களில் அக்கறை கொண்டுள்ள அனைவரினதும் கடமையாகும்.

முதலாவதாக, வாக்களிப்பு நாளன்று அனைத்து தமிழ் வாக்களர்களும் வயது வேறுபாடின்றி தமது வாக்குரிமையை பயன்படுத்துவது கட்டாயக் கடமையாகும்.

வழமையாகவே தமிழ் மக்கள் செறிந்து வாழும் மாவட்டங்களில் வாக்களிப்பு வீதங்கள் திருப்திகரமானதாக அமைவதில்லை. அதேநேரத்தில், அந்த மாவட்டங்களில் வாழும் ஏனைய சமூக மக்களின் பிரதேசங்களில் வாக்களிப்பு வீதங்கள் மெச்சத்தக்கவையாகவும், தமது சமூகப் பிரதிநிதிகளின் வெற்றியை உறுதிப்படுத்துவதில் பங்களிப்பு செய்யக்கூடியதாகவும் அமைவதை அவதானிக்க முடிகிறது.

தியாகங்கள் நிறைந்த ஆயுதப் போராட்டத்தின் தோல்வி, தமிழ்த் தலைமைகள் எனச் சொல்லிக்கொள்பவர்கள் சிலரின் சுயநலமான செயற்பாடுகள், தமிழ் மக்கள் மத்தியில் காணப்படும் ஏராளமான பிரச்சினைகளுக்கு நீண்ட காலமாக தீர்வுகள் காணப்படாமை போன்ற பல காரணங்கள் தமிழ் மக்கள் தரப்பில் முன்வைக்கப்பட்டாலும்கூட அடிப்படையில் ஒட்டுமொத்த தமிழ்ச் சமூகத்தின் இருப்பிற்கும் வேட்டு வைக்கக்கூடிய விதத்தில் நாம் எவரும் செயற்படுவது ஆரோக்கியமானதல்ல.

வாக்காளர்களாக பதிவு செய்வதில் சிரத்தையின்மை, வாக்களிப்பு வீதத்தின் வீழ்ச்சி, வாக்களிப்பில் அக்கறை காட்டாமை போன்ற காரணங்கள் இன்று யாழ் தேர்தல் மாவட்டத்தின் நாடாளுமன்ற பிரதிநிதித்துவத்தை குறைத்துள்ளது. எனவே நாமும் எம்மைச் சுற்றியுள்ளவர்களும் முழுமையாக எமது வாக்குகளை பயன்படுத்துவதை உறுதிப்படுத்திக் கொள்ள வேண்டும்.

இரண்டாவதாக, நாம் அளிக்கும் வாக்குகள் யாவும் பெறுமதிமிக்கவையாக, தீர்மானிக்கக்கூடியதாக அமைய வேண்டும். தேர்தல் சட்டத்தின் பிரகாரம், எமது வாக்குகள் கணக்கில் எடுக்கப்படாதவையாக மாறுவதற்கு நாமே காரணமாக இருந்து விடக் கூடாது. எமது வாக்குகளை, விடயங்களை தீர்மானிக்கும் வாக்குகளாக தீர்க்கமாக பயன்படுத்த வேண்டுமே தவிர, அவை தேர்தல் அதிகாரிகளால் தகுதியில்லாதவையாக கழிவுக் கூடைக்குள் போடப்படுவதற்கு வழியை ஏற்படுத்தக் கூடாது.

தேர்தல் சட்டத்தின் பிரகாரம், ஒரு தேர்தல் மாவட்டத்தில், அளிக்கப்பட்ட வாக்குகளில் நிராகரிக்கப்பட்டவை போக, மீதியான செல்லுபடியாகும் மொத்த வாக்குகளின் ஐந்து வீதத்திற்கும் குறைவான அளவில் வாக்குகளைப் பெறும் கட்சிகள் அல்லது சுயேச்சைக் குழுக்களின் வாக்குகள் தேர்தல் அதிகாரிகளால் இறுதியான வாக்கு எண்ணிக்கையில் இருந்து புறம்தள்ளப்பட்டுவிடும். ஏற்கனவே கூறப்பட்டது போல, அவை கழிவுக் கூடைக்குள் போடப்பட்ட பின்னர், மீதமுள்ள கட்சிகள் மற்றும் குழுக்கள் பெற்ற மொத்த வாக்குகளைக் கொண்டே ஒரு பிரதிநிதிக்கான வாக்கு எண்ணிக்கை நிர்ணயிக்கப்படுகிறது.

கடந்த நாடாளுமன்றத் தேர்தலில், யாழ் தேர்தல் மாவட்டத்தில் 16,220 வாக்குகள் பெற்ற சுயேச்சைக்குழு-05, 13,564 வாக்குகள் பெற்ற ஐக்கிய மக்கள் சக்தி, 6,522 வாக்குகள் பெற்ற ஐ.தே.க ஆகியவை உள்ளிட்ட 28 கட்சிகள், சுயேச்சைகுழுக்கள் மொத்தமாக பெற்ற 59,763 வாக்குகள் எண்ணிக்கைக்குட்படாமலே கழிவுகளாக்கப்பட்டுவிட்டன.

வன்னித் தேர்தல் மாவட்டத்தில், 10,064 வாக்குகள் பெற்ற தமிழர் சமூக ஜனநாயக கட்சி, 8,789 வாக்குகள் பெற்ற தமிழ் மக்கள் தேசியக் கூட்டணி, 8,232 வாக்குகள் பெற்ற அகில இலங்கை தமிழ் காங்கிரஸ் ஆகியவை உள்ளிட்ட 41 கட்சிகள், சுயேச்சைகுழுக்களின் 46,204 வாக்குகள் எண்ணிக்கைக்குட்படாமலே கழிவுகளாக்கப்பட்டுவிட்டன. கழிக்கப்பட்ட 46,204 வாக்குகளில் குறைந்தது 10,000 வாக்குகளாவது அன்றைய தமிழ்த் தேசியக் கூட்டமைப்புக்கு கிடைத்திருந்தால் தமிழ் தேசியத்திற்காக குரல்தரவல்ல மேலும் ஒரு பிரதிநிதி வன்னியில் கிடைத்திருப்பார்.

திருகோணமலை தேர்தல் மாவட்டத்தில், 3,775 வாக்குகள் பெற்ற தமிழ் மக்கள் தேசியக் கூட்டணி, 2,745 வாக்குகள் பெற்ற அகில இலங்கை தமிழ் காங்கிரஸ் உள்ளிட்ட 24 கட்சிகள், சுயேச்சைகுழுக்களின் 18,347 வாக்குகள் பயன்படாமல் போயுள்ளன. இம்முறைத் தேர்தலில், தேசிய மக்கள் சக்தியின் எழுச்சி திருமலை மாவட்டத்தில் ஏனைய சமூகத்தினரின் வாக்குகளை பல கூறுகளாக பிரிக்க வாய்ப்புகள் ஏற்பட்டிருப்பதால், தமிழ் மக்கள் முழுமையாக தமது வாக்குகளை செலுத்தி, வெல்லக்கூடிய தமிழ் தேசியத் தரப்பாக உள்ள, ஜனநாயக தமிழ் தேசிய கூட்டணி மற்றும் தமிழரசுக் கட்சிக் கூட்டிணைவை ஆதரிப்பார்களாயின் அக் கூட்டுஇரண்டாவது ஆசனத்தையும் பெறமுடியும் என ஆசைப்படுகின்ற திருமலை மாவட்ட மக்களின் பேரவாவில் தவறு ஏதும் இருக்க முடியாது.

மட்டக்களப்பு தேர்தல் மாவட்டத்தைப் பொறுத்தவரையில், 8,113 வாக்குகள் பெற்ற தமிழர் விடுதலைக் கூட்டணி, 4,960 வாக்குகள் பெற்ற தமிழ் மக்கள் தேசியக் கூட்டணி, 1,203 வாக்குகள் பெற்ற அகில இலங்கை தமிழ் காங்கிரஸ் ஆகியவை உள்ளிட்ட 32 கட்சிகள், சுயேச்சைகுழுக்களின் 57,016 வாக்குகள் கணக்கிற்கு எடுக்கப்படவில்லை. இதில் குறைந்தது பதினையாயிரம் வாக்குகள் தமிழ் தேசியக் கூட்டமைப்புக்கு அளிக்கப்பட்டிருந்தால் அக் கூட்டமைப்பு மேலும் ஒரு பிரதிநிதித்துவத்தை பெற்றிருக்க முடியும்.

திகாமடுல்ல (அம்பாறை) தேர்தல் மாவட்டத்தில், ஏற்றுக்கொள்ளப்பட்ட 385,998 வாக்குகளில் 20,847 வாக்குகள் வாக்கெண்ணிக்கைக்கு உட்படாமல் விடப்பட்டுள்ளது. அம் மாவட்டத்தில் உள்ள மக்கள் தமது வாக்குகள் வீணடிக்கப்படக்கூடாது என்பதில் எச்சரிக்கையுடன் செயற்பட்டிருக்கிறார்கள் எனத் தெரிகிறது. ஆனாலும் தமிழர் தரப்பில் தமிழ்த் தேசியக் கூட்டமைப்பு 25,255 (6.54%) வாக்குகளையும், அகில இலங்கை தமிழர் மகாசபை 29,379 வாக்குகளையும் (7.61%) பெற்று தமிழர்களின் பலம் இரண்டாக பிளவுபட்டதால் அங்கு தமிழர்கள் தமக்கு பிரதிநிதித்துவம் எதனையும் பெறமுடியாமல் போனது. ஆனால் இம்முறை, எண்பது வீதமான தமிழ் வாக்காளர்கள், வெல்லக்கூடிய, ஒற்றுமை எனும் தளத்தில் நிற்கக்கூடிய தமிழ் தேசியத் தரப்பிற்கு வாக்களித்து தமது பிரதிநிதித்துவத்தை நிச்சயப்படுத்தும் மனநிலைக்கு வந்துள்ளதாக தெரிகிறது.

தேர்தல் காலத்தில் வாக்காளர்களின் தீர்மானத்தில் வேட்பாளர் ஒருவரின் பிரதேசம், மதம், கல்வித் தகைமை, தனிப்பட்ட குணாதிசயங்கள் செல்வாக்குச் செலுத்துமென்பது நிதர்சனமானது. ஆனாலும் அவ்வாறான எண்ணங்களும், போக்குகளும் தமிழ் தேசியத்தின் பலத்தை சிதைப்பதற்கு உதவியாக அமைந்து விடக்கூடாது.

அதே நேரத்தில் சிங்கள தேசியக் கட்சிகளின் வேட்புமனுக்களில் திட்டமிட்டு உள்வாங்கப்பட்டிருக்கும் தமிழ் வேட்பாளர்கள் எக்காலத்திலும் வெல்லமுடியாதவர்கள் என்பதும், தமிழ் வேட்பாளர்கள் பெற்றுக் கொடுக்கும் வாக்குகள் அவ் அணிகளில் உள்ள ஏனைய சமூக வேட்பாளர்களின் வெற்றி வாய்ப்பையே உறுதி செய்யும் என்பது எமது மக்களின் கசப்பான அனுபவமாகும். இவ் விடயம் வன்னியிலும், கிழக்கிலும் தேசிய மக்கள் சக்தி ஊடாக மாற்றத்தைக் கொண்டு வருவோம் எனக் கூறும் தமிழ் வேட்பாளர்களுக்கும் அவர்களது ஆதரவாளர்களுக்கும் பொருந்தும்.

பேரினவாதக் கட்சிகளின் முகவர்களினாலும், தமிழ்க் கட்சிகளின் மீது காழ்ப்புணர்ச்சி கொண்ட தனவந்தர்களாலும், நயமாக பேசி நிதியுதவி அளிக்கப்பட்டு உள்வாங்கப்பட்ட படித்த பண்பான பல வேட்பாளர்களுக்கு தேர்தல் களநிலவரங்களின் உண்மைத் தன்மைகள் விளங்கவில்லை அல்லது அவர்களுக்கு நேர்மையான முறையில் எதுவும் சொல்லப்படவில்லை என்றே தெரிகிறது.

எனவே, தமிழர்களின் எதிர்காலம் குறித்து சிந்திக்கும் அனைத்து மக்களும் தங்களது பெறுமதியான வாக்குகளை சிதறாமல், கழிவுப் பொருட்களாக மாறாமல் பாதுகாப்பது அவர்களது தலையாய கடமையாகும்.

மூன்றாவதாக, தமிழினத்தின் மீது இன்னமும் தளர்வடையாமல் இருக்கும் பேரினவாத சக்திகளின் கெடுபிடிகளும், நில அபகரிப்புகளும், பௌத்த மயமாக்கலும் மேலும் மேலும் அதிகரித்துச் செல்லாமலிருக்க வேண்டுமாயின், விமர்சனங்களுக்கு அப்பால் அது ஏதாவது ஒரு தமிழ்த் தேசியக் கட்சியால் மட்டுமே முடியும் என்பது நடைமுறையில் நிரூபிக்கப்பட்டுள்ளது. வேட்பாளர்கள் மத்தியில் குற்றங்குறைகள் உள்ளோரைத் தவிர்த்து, பொருத்தமான பிரதிநிதிகளைத் தெரிவு செய்து, தமிழ் தேசியக் கட்சிகளை வலுப்படுத்தக்கூடிய போதியளவு வாய்ப்பினை நாட்டின் தேர்தல் முறைமை எமக்குத் தந்துள்ளது.

தனிப்பட்ட ஒரு வேட்பாளரின் குறைகளால், பலப்படுத்தப்பட வேண்டிய ஒரு அணி பலவீனமடைய இடமளிக்காதிருப்போம். தமிழ்த் தேசியப் பரப்பில் உள்ள கட்சிகள் இதுவரை என்ன செய்துள்ளன எனக் கேள்வி கேட்பவர்களுக்கும் அவர்களை கேட்கத் தூண்டுகின்ற பேரினவாதக் கட்சிகளின் முகவர்களுக்கும் எமது ஒரே பதில், எப்போதும் எங்கள் பிரதிநிதிகள் தடுப்பணையாக செயற்பட்டிருக்காவிடின் எமது தேசியம், நிலம், பண்பாடு, பொருளாதாரம் அனைத்தும் பௌத்த சிங்கள மேலாதிக்க வெள்ளத்தில் என்றோ அள்ளுண்டு போயிருக்கும் என்பதேயாகும்.

இன்றைய தேர்தல்கள நிலவரப்படி, தமிழர்களின் தாயகப் பிரதேசத்தில், நம்பிக்கைக்கு உரிய அணியாகவும், ஒற்றுமையின் தளத்தில் நின்று செயற்படும் அணியாகவும் வெல்லும் அணியாகவும் ஜனநாயக தமிழ் தேசிய கூட்டணி மட்டுமே உள்ளது என்று பெரும்பான்மையான தமிழ் மக்கள் உணர்ந்து ஏற்றுக் கொண்டுள்ளதை, ஏனையோரும் ஏற்றுக்கொண்டு அதனைப் பலப்படுத்த ஒன்று சேருவதே எம் மக்களுக்கு நிரந்தரமான பயனைப் பெற்றுத் தரும்.

நா. இரட்ணலிங்கம்

செயலாளர்

ஜனநாயக தமிழ் தேசிய கூட்டணி

தேசிய மக்கள் சக்திக்கு வாய்ப்பை கொடுத்துப் பார்த்தால் என்ன என்று சிலர் கருதுகின்றனர். இப்போதுள்ள அரச தரப்புக்கு வாக்களித்து விட்டு ஆறு மாதங்களின் பின்னர் யோசிப்பீர்கள். ஆகவே ஆறு மாதங்கள் வரை காத்திருங்கள். இவர்கள் தமிழ் மக்களின் பிரச்சினைகளை தீர்க்கப் போவதில்லை என ஜனநாயக தமிழ் தேசிய கூட்டணியின் வேட்பாளரும் பாராளுமன்ற முன்னாள் உறுப்பினருமான சுரேஷ் பிரேமச்சந்திரன் தெரிவித்தார்.

பிள்ளையான் என அழைக்கப்படும் முன்னாள் இராஜாங்க அமைச்சர் சிவநேசதுரை சந்திரகாந்தன் குற்றப் புலனாய்வு திணைக்களத்திற்கு கடிதம் ஒன்றை அனுப்பியுள்ளார்.

பிரபாகரனின் நோக்கத்தை புதிய அரசியலமைப்பால் நிறைவேற்ற இடமளிக்க முடியாது. நாட்டின் ஒற்றையாட்சியை கருத்திற் கொண்டு மக்கள் பொதுத்தேர்தலில் வாக்களிக்க வேண்டும் என ஸ்ரீ லங்கா பொதுஜன பெரமுனவின் கொழும்பு மாவட்ட வேட்பாளர் சரத் வீரசேகர தெரிவித்தார்.

யாழ்ப்பாணம் - மயிலங்காடு பகுதியில் தோட்டக்கிணற்றில் இருந்து குடும்பஸ்தர் ஒருவரது சடலம் நேற்று மீட்கப்பட்டுள்ளது. மயிலங்காடு, எழாலை தெற்கு பகுதியைச் சேர்ந்த 46 வயதுடையவரே உயிரிழந்துள்ளார்.

வட்டுக்கோட்டை - சுழிபுரம் பகுதியில், நேற்றிரவு நடைபெற்ற இலங்கை தமிழரசுக் கட்சியின் பிரசார கூட்டத்தில் குழப்பம் ஏற்பட்டுள்ளது.

அறுகம்குடா தொடர்பில் அமெரிக்க விடுத்த பயண எச்சரிக்கையை அந்த நாடு நீக்கிக்கொள்ளவேண்டும் என இலங்கையின் வெளிவிவகார அமைச்சு வேண்டுகோள் விடுத்துள்ளது. வெளிவிவகார அமைச்சர் விஜித ஹேரத் இந்த வேண்டுகோளை விடுத்துள்ளார் என வெளிவிவகார அமைச்சின் பேச்சாளர் ஒருவர் தெரிவித்துள்ளார்.

அமைதியான முறையில் தேர்தலை நடத்துவதற்கு கடுமையான முறையில் சட்டம் அமுல்படுத்தப்படும் எனவும் வாக்களித்ததன் பின்னர் பொது இடங்களில் ஒன்று கூடுவதை தவிர்த்துக் கொள்ளுமாறும் தேர்தல்கள் ஆணைக்குழு பொதுமக்களிடம் வலியுறுத்தியுள்ளது.

பொதுத் தேர்தலை முன்னிட்டு இன்று முதல் விசேட பாதுகாப்பு நடவடிக்கைகளை பொலிஸார் முன்னெடுத்துள்ளதாக பொலிஸ் ஊடகப் பேச்சாளர் பிரதி பொலிஸ் மா அதிபர் நிஹால் தல்துவ தெரிவித்துள்ளார்.

மானிப்பாய் - கைதடி பிரதான வீதியில் நேற்று இடம்பெற்ற வாகன விபத்தில் குடும்பஸ்தர் ஒருவர் ஸ்தலத்தில் உயிரிழந்துள்ளார். இதன்போது அரசடை வீதி வட்டுத்தெற்கு வட்டுக்கோட்டை பகுதியைச் சேர்ந்த 53 வயதுடையவரே இவ்வாறு உயிரிழந்துள்ளார்.

அரச வைத்தியசாலைகளுக்கு தரமற்ற மருந்துகளை விநியோகித்தமை தொடர்பில் தாக்கல் செய்யப்பட்ட வழக்கிற்காக, அப்போது அமைச்சரவையில் இடம்பெற்றிருந்த 18 அமைச்சர்களிடமும் வாக்குமூலம் பதிவு செய்யுமாறு மாளிகாகந்த நீதவான் லோச்சனி அபேவிக்ரம உத்தரவிட்டுள்ளார்.

இலங்கை தமிழ் அரசுக் கட்சி பிரிந்து பிரிந்து செயலிழந்து விட்டது. இந்நிலையில் தற்போது அக்கட்சிக்கு தமிழ் மக்கள் வாக்களித்தால் சுமந்திரனே தெரிவாகுவார் என யாழ். தேர்தல் மாவட்டத்தில் மாம்பழம் சின்னத்தில் முதன்மை வேட்பாளராக போட்டியிடும் ஜனாதிபதி சட்டத்தரணி கே.வி.தவராசா தெரிவித்தார்.

பாராளுமன்றத்தில் மூன்றில் இரண்டு பெரும்பான்மை அதிகாரத்தை பெற்ற அனைத்து ஜனாதிபதிகளும் எதேச்சாதிகாரமாகவே செயற்பட்டு வந்துள்ளனர். அதனால் அநுரகுமார திஸாநாயக்கவும் அந்த நிலைக்கு செல்லாமல் இருப்பதற்கு மக்கள் அரசாங்கத்துக்கு மூன்றில் இரண்டு பெரும்பான்மையை வழங்கக்கூடாது என முன்னாள் அமைச்சரும் சிறீலங்கா கம்யூனிஸ்ட் கட்சியின் தலைவருமான டியூ குணசேகர தெரிவித்தார்.

வவுனியா- பட்டாணிச்சூர் பகுதியில் முன்னாள் இராஜாங்க அமைச்சர் காதர் மஸ்தானின் பொதுக்கூட்டம் இடம்பெற்ற பகுதியில் ஏற்பட்ட குழப்பநிலையில் இருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

வீதி விபத்தின் பின்னர் நபர் ஒருவரை தாக்கிய சம்பவம் தொடர்பில் யாழ்ப்பாணம், சுன்னாகம் பொலிஸ் நிலையத்தைச் சேர்ந்த நான்கு உத்தியோகத்தர்கள் பணியிலிருந்து இடை நிறுத்தப்பட்டுள்ளனர்.

உயிர்த்த ஞாயிறு தாக்குதல் தொடர்பில் முன்னாள் நாடாளுமன்ற உறுப்பினர் சிவனேசதுரை சந்திரகாந்தன் (பிள்ளையான்) சிஐடியினரால் இன்று விசாரணைக்கு அழைக்கப்பட்டுள்ளார்.

மது, புகைத்தலுக்கு எதிராக தலைவர் பிரபாகரன் கட்டளையிடமுன்னர் தமிழரசு கட்சி தீர்மானம் எடுத்தார்கள் என முன்னாள் பாராளுமன்ற உறுப்பினர் எம்.ஏ சுமத்திரன் தெரிவித்துள்ளார்.

ஸ்ரீலங்கா பொதுஜன பெரமுனவின் யாழ்ப்பாணம் மாவட்ட அமைப்பாளராக கீதநாத் காசிலிங்கம் நியமிக்கப்பட்டுள்ளார். அந்த கட்சித் தலைவரும் முன்னாள் ஜனாதிபதியுமான மஹிந்த ராஜபக்சவினால் குறித்த நியமனம் வழங்கப்பட்டுள்ளது. இதன்படி நேற்று (11) முதல் அமுலுக்கு வரும் வகையில் இந்த நியமனம் வழங்கப்பட்டுள்ளது

டிசம்பர் மாதத்திற்குள் இலங்கையின் கடன் மறுசீரமைப்பு செய்யப்படும் என ஜனாதிபதி அநுரகுமார திசாநாயக்க தெரிவித்துள்ளார்.

தற்காலிகமாக இடைநிறுத்தப்பட்டிருக்கும் தலைமன்னார் ரயில் சேவை இன்று மீண்டும் ஆரம்பிக்கப்படவுள்ளது. அரசாங்க தகவல் திணைக்களம் அறிக்கை ஒன்றில் இதனை தெரிவித்துள்ளது.

எதிர்வரும் பாராளுமன்றத் தேர்தலில் களுத்துறை மாவட்டத்தில் போட்டியிடும் இலங்கையின் முன்னாள் கிரிக்கெட் வீரர் டி.எம்.தில்ஷான், தனது இரட்டைக் குடியுரிமையை துறக்கவில்லை என்ற குற்றச்சாட்டை மறுத்துள்ளார்.