பாராளுமன்றத்தில் மூன்றில் இரண்டு பெரும்பான்மை அதிகாரத்தை பெற்ற அனைத்து ஜனாதிபதிகளும் எதேச்சாதிகாரமாகவே செயற்பட்டு வந்துள்ளனர். அதனால் அநுரகுமார திஸாநாயக்கவும் அந்த நிலைக்கு செல்லாமல் இருப்பதற்கு மக்கள் அரசாங்கத்துக்கு மூன்றில் இரண்டு பெரும்பான்மையை வழங்கக்கூடாது என முன்னாள் அமைச்சரும் சிறீலங்கா கம்யூனிஸ்ட் கட்சியின் தலைவருமான டியூ குணசேகர தெரிவித்தார்.

சிறிலங்கா கம்யூனிஸ்ட் கட்சி காரியாலயத்தில் ஞாயிற்றுக்கிழமை இடம்பெற்ற செய்தியாளர் சந்திப்பில் கலந்துகொண்டு கருத்து தெரிவிக்கையிலேயே இவ்வாறு குறிப்பிட்டார்.

மக்களின் ஆணையில் நாட்டின் ஜனாதிபதியாக தெரிவுசெய்யப்பட்டுள்ள தேசிய மக்கள் சக்தியின் தலைவர் அநுரகுமார திஸாநாயக்க, பாராளுமன்றத்தில் பெரும்பான்மையை கோருவது நியாயமான கோரிக்கையாகும்.

ஆனால் அந்த கட்சியில் புதிதாக அரசியலுக்கு வந்தவர்கள் இந்த தேர்தலில் அவர்களுக்கு மூன்றில் இரண்டு பெரும்பான்மை வழங்குமாறு தெரிவித்து வருகின்றனர். நாட்டின் வரலாறு தெரியாதவர்களே இவ்வாறு கோரி வருகின்றனர்.

இலங்கை வரலாற்றில் பாராளுமன்ற தேர்தல் ஒன்றில் முன்னாள் ஜனாதிபதிகளான ஜே,ஆர். ஜயவர்த்தன, மஹிந்த ராஜபக்ஷ் மற்றும் கோத்தாபய ராஜபக்ஷ் ஆகியோர் மூன்றில் இரண்டு பெரும்பான்மையை பெற்று ஆட்சி செய்தனர்.

இவர்கள் அனைவரும் கிடைத்த அதிகாரத்தை பயன்படுத்திக்கொண்டு எதேச்சதிகாரமாகவே செயற்பட்டனர். அந்த நிலை அநுரகுமார திஸாநாயக்கவுக்கு ஏற்படக்கூடாது.

மஹிந்த ராஜபக்ஷ் மூன்றில் இரண்டு பெரும்பான்மையை பெற்று 17 வருடங்கள் ஆட்சி செய்து நாட்டை அபிவிருத்தி செய்வதற்கு எடுத்த நடவடிக்கை ஒன்றும் இல்லை.

கோத்தாபய ராஜபக்ஷ்வும் மக்கள் ஆணையை தன்னிச்சையாக பயன்படுத்தி, பல பிழையான தீர்மானங்களை எடுத்தார். அதனால் ஏற்பட்ட நெருக்கடியால் அவருக்கு ஆட்சியை விட்டுச் செல்ல வேண்டிய நிலை ஏற்பட்டது.

ஜே.ஆர்.ஜயவர்தன ஆறில் ஐந்து அதிகாரத்தை பாராளுமன்றத்தில் பெற்றுக்கொண்டு, நாட்டில் திறந்த பொருளாதார கொள்கையை அறிமுகப்படுத்தினார்.

எமது நாட்டின் பொருளாதார நெருக்கடிக்கு ஊழல் பிரதான காரணம் அல்ல.பொருளாதார மூலோபாய திட்டத்தின் தவறாகும். திறந்த பொருளாதார கொள்கை மூலமே பொருளாதாரம் நெருக்கடி நிலைக்கு செல்ல காரணமாகும். உற்பத்தி பொருளாதாரத்தை ஆரம்பிப்பதன் மூலமே இந்த பிரச்சினைக்கு தீர்வாகும்.

அத்துடன் பாராளுமன்றத்தில் அரசாங்கத்துக்கு பெரும்பான்மை கிடைக்க வேண்டும் என்பதுடன் பலமான எதிர்கட்சியும் அமைய வேண்டும்.

அதன் மூலமே நாட்டில் ஜனநாயகத்தை உறுதிப்படுத்த முடியும். ஜே.ஆர். பாராளுமன்றத்தில் ஆறில் ஐந்து பெரும்பான்மை எடுத்தபோது பாராளுமன்றத்தில் நாங்கள் 9பேரே இருந்தோம்.

அவ்வாறு இருந்தும் எந்த சட்டமூலத்தையும் பாராளுமன்றத்தில் விவாதிக்காமல் அனுமதிக்க நாங்கள் இடமளிக்கவில்லை. அதனால் அரசாங்கத்தின் காலை வாரும் எதிர்க்கட்சி அல்லாமல் வலிமையான எதிர்க்கட்சியை உருவாக்க மக்கள் சர்வஜன அதிகார கட்சிக்கு ஆணை வழங்க வேண்டும்.

அரசாங்கமும் எதிர்கட்சியின் உதவியை பெற்றுக்கொண்டு அரசாங்கத்தை கொண்டு செல்ல தெரிந்துகொள்ள வேண்டும் என்றார்.

பத்தாவது பாராளுமன்றத்திற்கான பிரதிநிதிகளை தெரிவு செய்வதற்கான தேர்தல், இன்று நடைபெறுகிறது. காலை 7 மணிக்கும் ஆரம்பமாகும் தேர்தல் 4 மணியுடன் நிறைவடையும்.

சுன்னாகம் பொலிஸ் நிலைய உத்தியோகத்தர்களால் தமது உயிர்களுக்கு விடுக்கப்பட்டுள்ள அச்சுறுத்தல் காரணமாக தமது உயிர்களுக்கு பாதுகாப்பு வழங்குமாறு இலங்கை மனித உரிமைகள் ஆணைக்குழுவின் யாழ் பிராந்திய அலுவலகத்தில் முறைப்பாடு பதிவு செய்யப்பட்டுள்ளது.

நாடளாவிய ரீதியில் 1,3421 வாக்களிப்பு மத்திய நிலையங்களின் பாதுகாப்பு உறுதிப்படுத்தப்பட்டுள்ளது. தேர்தல்கள் சட்டத்துக்கும், பொதுச் சட்டத்துக்கும் அமைய பொதுமக்கள் பொறுப்புடன் செயற்பட வேண்டும். சட்டம் மற்றும் ஒழுங்கை பாதுகாப்பதற்கு பொலிஸ் உட்பட முப்படையினர் பாதுகாப்பு கடமைகளில் ஈடுபட்டுள்ளனர்.

மன்னாரில் வாக்காளர்களுக்கு அரசியல் கட்சி ஒன்றினால் வழங்குவதற்கு என கொண்டு வரப்பட்ட ஒரு தொகுதி உலர் உணவு பொருட்கள் புதன்கிழமை மாலை மன்னார்-யாழ் பிரதான வீதியில் வைத்து அடம்பன் பொலிஸாரினால் வாகனம் ஒன்றில் வைத்து மீட்கப்பட்டுள்ளதோடு மூன்று சந்தேக நபர்களும் கைது செய்யப்பட்டுள்ளனர்.

இன்று இடம்பெறும் பாராளுமன்ற தேர்தலில் வாக்களிக்க செல்ல விடுமுறை வழங்காத நிறுவனங்கள் தொடர்பாக எமக்கு முறைப்பாடு வந்திருக்கிறது. அவ்வாறு விடுறை வழங்காவிட்டால் நிறுவனத்தின் பிரதானிக்கு ஒரு மாதகாலம் சிறைத்தண்டனை விதிக்கப்படலாம் என பெப்ரல் அமைப்பின் நிறைவேற்றுப்பணிப்பாளர் ராேஹன ஹெட்டியாரச்சி தெரிவித்தார்.

2028ஆகும் போது கடன் மீள செலுத்தும் பின்னணியை ஏற்படுத்திக்கொள்வதே நாடு எதிர்கொண்டுள்ள பாரிய சவாலாகும். சரியான திட்டமிடலை மேற்கொள்ளாவிட்டால் நாடு மீண்டும் வங்குராேத்து நிவைக்கு தள்ளப்படும் என முன்னாள் ஜனாதிபதி ரணில் விக்ரமசிங்க தெரிவித்தார்.

பொதுத்தேர்தலின்போது வாக்காளரின் இடது கை ஆட்காட்டி விரல் மீது உரிய அடையாளம் இடப்படும். வாக்காளருக்கு இடது கை ஆட்காட்டி விரல் இல்லாதிருப்பின் அவரது வலது கையில் உள்ள வேறு ஏதேனுமொரு விரலில் உரிய அடையாளம் இடப்படும் என தேர்தல்கள் ஆணைக்குழு அறிவித்துள்ளது.

கல்கிஸ்ஸை பொலிஸ் பிரிவிற்குட்பட்ட படோவிட்ட பகுதியில் நேற்று இரவு இடம்பெற்ற துப்பாக்கிச் சூட்டில் ஒருவர் உயிரிழந்துள்ளார். துப்பாக்கிச் சூட்டில் காயமடைந்த நபர் சிகிச்சைக்காக களுபோவில வைத்தியசாலையில் அனுமதிக்கப்பட்டதன் பின்னர் உயிரிழந்துள்ளதாக தெரிவிக்கப்படுகிறது.

இம்மாதம் 30ஆம் திகதிக்கு முன்னர் நிலுவைத்தொகை செலுத்தப்படாவிட்டால் டபிள்யூ.எம். மெண்டிஸ் நிறுவனம் உட்பட ஐந்து மதுபான உற்பத்தி நிறுவனங்களின் உரிமங்களை இடைநிறுத்த மதுவரி திணைக்களம் தீர்மானித்துள்ளதாக சட்டமா அதிபர் உயர் நீதிமன்றத்திற்கு அறிவித்துள்ளார்.

2018ஆம் ஆண்டு ஆனி மாதம் தமது சொந்த மகளான 10 வயது சிறுமியை தகாத முறைக்கு உட்படுத்திய எதிரியான தந்தைக்கு 10 ஆண்டுகள் கடூழிய சிறைத்தண்டனை விதித்து நீதிபதி இளஞ்செழியன் தீர்ப்பளித்துள்ளார்.

இலங்கையின் பாராளுமன்ற பொதுத் தேர்தல் நாளை நடைபெறவுள்ள நிலையில் வாக்களிப்பு நிலையங்களுக்கு வாக்குப் பெட்டிகள் அனுப்பி வைக்கப்பட்டு ஏற்பாடுகள் பூர்த்தி செய்யப்பட்டுள்ளன.

அறுகம்பேவுக்கு 2024 ஒக்டோபர் 23 ஆம் திகதி வெளியிடப்பட்ட பயணக் கட்டுப்பாடுகளை கொழும்பு அமெரிக்கத் தூதரகம் நீக்கியுள்ளது.

மழையினால் ஏற்பட்ட வெள்ளம் காரணமாக மூதூர் பிரதேச செயலாளர் பிரிவில் உள்ள கட்டைபறிச்சான் இறால் பாலம் தாழிறங்கி முற்றாக நீரில் மூழ்கியுள்ளது. இதனால் அப்பாலத்தின் வழியாக போக்குவரத்து பாதிக்கப்பட்டு பொதுமக்கள் பல்வேறு சிரமங்களை எதிர்நோக்கி வருகின்றனர்.

இம்முறை பாராளுமன்ற தேர்தலுக்கு அதிக எண்ணிக்கையிலான வேட்பாளர்கள் இருப்பதால், கூடுதல் வாக்கு எண்ணும் மையங்கள், ஆவணப் பணிகள், வாக்குச் சீட்டு அச்சிடுதல் போன்றவற்றில் கூடுதல் செலவுகள் தேர்தல் ஆணைக்குழுவிற்கு ஏற்பட்டுள்ளதாக தேர்தல்கள் ஆணையாளர் நாயகம் தெரிவித்தார்.

நெடுந்தீவு, நயினாதீவு, அனலைதீவு, எழுவை தீவு ஆகிய தீவக பகுதிகளுக்கு விசேட படகுகள் மூலம் வாக்கு பெட்டிகள் கொண்டு செல்லப்பட்டுள்ளன.

நடைபெறவுள்ள பாராளுமன்ற தேர்தலில் யாழ் . தேர்தல் மாவட்டத்தில் போட்டியிடும் சுயேட்சை குழுவொன்று தனக்கு தெரியாமல் தன்னுடைய பெயரை வேட்பாளர் பட்டியலில் குறிப்பிட்டுள்ளதாக பெண்ணொருவர் தேர்தல் ஆணைக்குழுவிடம் முறைப்பாடு செய்துள்ளார்.

வாக்குப்பதிவு தொடர்பான எந்தவொரு நடவடிக்கைகளையும் புகைப்படம் எடுப்பதையோ அல்லது வீடியோ பதிவு செய்வதையோ, அதுபோன்ற படங்களையோ அல்லது வீடியோக்களையோ சமூக ஊடகங்களில் பதிவேற்றுவதையோ தவிர்க்குமாறு தேர்தல் ஆணைக்குழு பொதுமக்களுக்கு அறிவுறுத்தியுள்ளது.

தென்மேற்கு வங்கக்கடல் பகுதியில் இன்று குறைந்த காற்றழுத்த தாழ்வு வலயம் உருவாகியுள்ளது. அதன் தாக்கம் காரணமாக நாட்டின் பல பகுதிகளில் இன்று முதல் எதிர்வரும் சில தினங்களில் மழை பெய்யக்கூடிய சாத்தியம் காணப்படுவதாக வளிமண்டலவியல் திணைக்களம் தெரிவித்துள்ளது.

நாளை இடம்பெறவுள்ள பொதுத் தேர்தலில் வாக்களிக்கும்போது, புள்ளடியை மாத்திரம் பயன்படுத்துமாறு தேர்தல்கள் ஆணைக்குழுவின் தலைவர் ஆர்.எம்.ஏ.எல்.ரத்நாயக்க தெரிவித்துள்ளார்.

யாழ்ப்பாணத்தில் சுயேட்சையாக போட்டியிடும் வேட்பாளர் ஒருவரின் தந்தை மீது தாக்குதல் நடத்தப்பட்டுள்ளது. இந்த தாக்குதலின் போது காயங்களுக்குள்ளான நிலையில் வேட்பாளரின் தந்தை யாழ்ப்பாணம் போதனா வைத்தியசாலையில் அனுமதிக்கபட்டுள்ளார்.