இலங்கையில் இடம்பெற்ற யுத்தத்தில் மனித உரிமை மீறப்பட்டுள்ளதாக தெரிவித்து ஓய்வுபெற்ற ஜென்ரல் சவேந்திர சில்வா, அட்மிரல் வசன்த கரண்ணாகொட ஜென்ரல் ஜகத் ஜயசூரிய மற்றும் கேணல் கருணா என அழைக்கப்படும் முன்னாள் தேசிய ஒருமைப்பாடு அமைச்சர் விநாயகமூர்த்தி முரளிதரன் ஆகியோருக்கு எதிராக பிரித்தானியா விதித்திருக்கும் தடையை வன்மையாக கண்டிக்கிறோம் பிரித்தானியாவின் இந்த நடவடிக்கைக்கு இலங்கை அரசாங்கத்தின் பதில் வெட்கப்படக்கூடியதாக இருக்கிறது என ஸ்ரீலங்கா கம்யூனிஸ்ட் கட்சி தெரிவித்துள்ளது.

மனித உரிமை மீறியதாக ஓய்வுபெற்ற இராணுவ தளபதிகளுக்கு பிரித்தானியா விதித்திருக்கும் தடை உத்தரவு தொடர்பில் ஸ்ரீலங்கா கம்யூனிஸ்ட் கட்சியின் பொதுச் செயலாளர் வைத்தியர் ஜீ.வீரசிங்க விடுத்துள்ள அறிக்கையிலேயே இவ்வாறு தெரிவிக்கப்பட்டுள்ளது.

அதில் மேலும் தெரிவிக்கப்பட்டுள்ளதாவது,

பிரித்தானியா சுமார் 50 வருட காலமாக இலங்கையை அதன் காலனித்துவ நாடாக வைத்துக்கொண்டு ஆயிரக்கணக்கானவர்களைக் கொன்று, நாட்டின் வளங்களைக் கொள்ளையடித்ததுடன் உலகம்பூராகவும் பல நாடுகளை இவ்வாறு தனது காலனித்துவத்துக்குக் கீழ் வைத்துக்கொண்டிருந்தது.

அவ்வாறு உலகம் பூராகவும் நாடுகளை சூறையடித்துக்கொண்டு அவர்கள் தங்களின் செளபாக்கிய ஆட்சியை கட்டியெழுப்பிய நிலையில் தற்போது ஏனைய நாடுகளுக்கு மனித உரிமை பாதுகாப்பது தொடர்பில் வழிகாட்டி வருகிறது.

பிரித்தானியாவின் கொடூர காலனித்துவத்து ஆட்சியில் இலங்கையின் சமூகங்களுக்கு மத்தியில் ஐக்கியமின்மை ஏற்பட்டதுடன் அந்த கொள்கை நாட்டுக்குள் ஐக்கியம், தொடர்புகளுக்கு பாதிப்பாக இருப்பதற்கும் இறுதியில் பாரிய பிளவுகள் ஏற்படுவதற்குக் காரணமாக அமைந்தன. பிரித்தானியாவின் இந்த செயற்பாடுகள் தொடர்பில் கவலை தெரிவிப்பதற்கு பிரித்தானியா தவிர்த்துள்ளது.

இலங்கையில் பிரிவினைவாத ஆயுத போராட்டத்தை முடித்துக்காெள்வதில் முக்கியமான பணியை மேற்கொண்ட நபர்களை தெரிவுசெய்து, அவர்களை தண்டிப்பதற்கு பிரித்தானியா எடுக்கும் முயற்சி அவர்களின் தெளிவான போராமையை வெளிப்படுத்தியுள்ளது. இவர்களுக்கு மனித உரிமை மீறல் குற்றச்சாட்டு தெரிவிக்கின்றபோதும்

பலஸ்தீன் காஸாவில் இடம்பெற்றுவரும் இன அழிப்பு, அப்கானிஸ்தான் மற்றும் ஈராக்கில் சட்டவிராேத ஆக்கிரமிப்பில் கலந்துகொண்டு இலட்சக்கணக்கானவர்களை கொலை செய்வதற்கு பிரித்தானியா ஒத்துழைப்பு வழங்கியதை உலக மக்களிடம் மறைக்க முடியாது.

அனைவரையும் உள்ளடக்கிய இலங்கை தேசம் ஒன்றை கட்டியெழுப்புதற்கான பயணத்தில் இலங்கை தீர்க்கப்படாத இனவாத பதற்றம் மற்றும் சவால்களுடன் தொடர்ந்து போராடிக்கொண்டிருப்பதை ஸ்ரீலங்கா கம்யூனிஸ் கட்சி ஏற்றுக்கொள்கிறது. இந்த பிரச்சினைகளை தீர்ப்பதற்கு மிகவும் சிந்தனை ரீதியிலான செயற்பாட்டு நடவடிக்கைகள் அவசியமாகும்.

சிவில் யுத்தத்தில் பாதிக்கப்பட்ட குடுபங்களை அங்கீகரித்தல், அவர்களின் உள்ளங்களில் அமைதி மற்றும் கெளரவத்தை உறுதிப்படுத்திக்கொண்டு, இந்த பிரச்சினையைத் தீர்க்கும்போது மிகவும் நிலையான மற்றும் பரந்துபட்ட முயற்சியை மேற்கொள்ளுமாறு அரசாங்கத்தைக் கேட்டுக்கொள்கிறோம்.

மேலும் பிரித்தானியாவின் இந்த தடைக்கு இலங்கை அரசாங்கத்தின் பதில் தொடர்பில் ஸ்ரீலங்கா கம்யூனிஸ் கட்சியின் விரக்தியை தெரிவித்துக்கொள்கிறோம்.

பிரித்தானியாவின் நடவடிக்கைகளை வன்மையாகக் கண்டிப்பதற்கு பதிலாக, அரசாங்கத்தின் பதில் கோழைத்தனமான மற்றும் வெட்கப்படும் வகையில் அமைந்துள்ளதுடன் தேசத்தின் இறையாண்மை மற்றும் அதன் மக்களின் கெளரவத்தைப் பாதுகாப்பதற்கு முடியாமல் போயிருக்கிறது.

அதனால் வெளி தலையீடுகளை நிராகரித்து, கலந்துரையாடல், நல்லிணக்கம் மற்றும் நீதியின் மூலம் தேசம் எதிர்கொள்ளும் சவால்களுக்கு முகங்கொடுப்பதற்கான அர்ப்பணிப்பை மீண்டும் உறுதிப்படுத்திக்கொண்டு மிகவும் உறுதிமிக்க நிலைப்பாட்டை எடுக்குமாறு ஸ்ரீலங்கா கம்யூனிஸ்ட் கட்சி அரசாங்கத்திடம் கோரிக்கை விடுக்கிறது.

கொழும்பு மாநகர சபைஉட்பட பல உள்ளூராட்சி மன்றங்களுக்கான தேர்தல்களை நடத்துவது தொடர்பாக எந்தவொரு நடவடிக்கையையும் தடுக்கும் வகையில் மேல்முறையீட்டு நீதிமன்றம் இன்று தடை உத்தரவைப் பிறப்பித்தது.

இலங்கையின் மக்கள் தொகை 21,763,170 என்று மக்கள் தொகை கணக்கெடுப்பு மற்றும் புள்ளிவிபரத் திணைக்களம் கூறுகிறது.

இந்தியப் பிரதமர் நரேந்திர மோடி வருகையின் போது இந்தியாவுடன் மேற்கொண்ட பாதுகாப்பு ஒப்பந்தம் தொடர்பில் ஜனாதிபதி அநுரகுமார திசாநாயக்க நாட்டு மக்களுக்கு விளக்கமளிக்க வேண்டும் என்பதுடன் இந்த அரசாங்கம் இந்தியாவுக்கு மாத்திரம் ஆதரவாக ஒருதலைப்பட்சமாக செயற்படுவதை அனுமதிக்க முடியாது’’ என்றும் ரியர் அட்மிரல் சரத் வீரசேகர தெரிவித்துள்ளார்.

கடந்த மார்ச் மாதத்தில் இலங்கை 229,298 சுற்றுலாப் பயணிகளை வரவேற்றுள்ளதாக இலங்கை சுற்றுலா அபிவிருத்தி அதிகார சபை உறுதிப்படுத்தியுள்ளது. மார்ச் மாதத்தில் அதிகபட்ச சுற்றுலாப் பயணிகள் வருகை மார்ச் 01 முதல் 07 வரை பதிவாகியுள்ளது. இதன்போது, 53,113 சுற்றுலாப் பயணிகள் நாட்டுக்கு வருகை தந்துள்ளனர்.

மக்கள் தொகை கணக்கெடுப்பு மற்றும் புள்ளிவிபரத் திணைக்களத்தால் நடத்தப்பட்ட 'மக்கள் தொகை மற்றும் வீட்டுவசதி மக்கள் தொகை கணக்கெடுப்பு 2024' தொடர்பான அறிக்கை இன்று காலை ஜனாதிபதி செயலகத்தில் ஜனாதிபதி அனுரகுமார திசாநாயக்கவிடம் அதிகாரப்பூர்வமாக கையளிக்கப்பட்டது.

வடமராட்சி - உடுப்பிட்டி இலக்கணாவத்தை விவசாயி ஒருவரின் பசு மூன்று கன்றுகளை சனிக்கிழமை ஈன்றுள்ளது. ஒரே தடவையில் மூன்று கன்றுகளைப் பிரசவிப்பதென்பது மிகவும் அபூர்வமான நிகழ்வாக கருதப்படுகின்றது. இரண்டு நாம்பன், ஒரு பசுக் கன்று ஈன்றுள்ளது. மூன்று கன்றுக் குட்டிகளும் ஆரோக்கியமாக இருப்பதாக தெரிவிக்கப்பட்டுள்ளது.

பொலிஸ்மா அதிபர் தேசபந்து தென்னகோனை பொலிஸ்மா அதிபர் பதவியில் இருந்து நீக்குவது தொடர்பான பிரேரணை நாளை செவ்வாய்க்கிழமை பாராளுமன்றத்துக்கு சமர்ப்பிக்கப்படும் என பாராளுமன்ற உறுப்பினர் சந்தன சூரியாரச்சி தெரிவித்தார்.

அரசியல்வாதிகள் உட்பட பல நபர்களுக்கு ஜனாதிபதி நிதியிலிருந்து நிதி வழங்குவது தொடர்பாக வாக்குமூலம் அளிக்க முன்னாள் ஜனாதிபதி மைத்திரிபால சிறிசேன சற்று நேரத்திற்கு முன்பு குற்றப் புலனாய்வுத் துறைக்கு வந்ததாக போலிஸார் தெரிவித்தனர். இதேவேளை, உயிர்த்த ஞாயிறு தொடர்பில், வாக்குமூலம் அளிப்பதற்கே, மைத்திரிபால சிறிசேன, வந்துள்ளார் என மற்றுமொரு தகவல் தெரிவிக்கின்றது.

முன்னாள் ஜனாதிபதி மஹிந்த ராஜபக்ஷ நல்ல உடல் நலத்துடன் இருப்பதாக அவரது மகன், பாராளுமன்ற உறுப்பினர் நாமல் ராஜபக்ஷ தெரிவித்துள்ளார். வாக்குமூலம் அளிப்பதற்காக இன்று (07) காலை குற்றப் புலனாய்வுத் திணைக்களத்தில் முன்னிலையான போதே அவர் இதனைக் குறிப்பிட்டார்.

தேசிய மக்கள் சக்தியின் பாராளுமன்ற உறுப்பினர் கோசல நுவான் ஜயவீரவின் திடீர் மரணத்தால் ஒரு பாராளுமன்ற உறுப்பினர் பதவி வெற்றிடமாகியுள்ளதாக பாராளுமன்றத்தால் தேர்தல் ஆணைக்குழுவிற்கு அறிவிக்கப்பட்டுள்ளது.

யாழ்ப்பாணத்தில் ஒரு கோடி அறுபது இலட்சம் ரூபா பெறுமதியான பணமோசடி செய்த சந்தேகநபர் ஒருவர் 17ஆம் திகதி வரை விளக்கமறியலில் வைக்தப்பட்டுள்ளார்.

முப்படைகளில் இருந்து தப்பிச் சென்ற சுமார் 1,700 பேர் இதுவரை கைது செய்யப்பட்டுள்ளனர் என பொதுமக்கள் பாதுகாப்பு மற்றும் பாராளுமன்ற விவகார அமைச்சர் ஆனந்த விஜேபால தெரிவித்தார்.

தேசிய மக்கள் சக்தி யின் கேகாலை மாவட்ட பாராளுமன்ற உறுப்பினர் கோசல நுவான் நேற்றுமாலை மாரடைப்பால் 38 வயதில் மரணமானார் என மருத்துவமனை வட்டாரங்கள் தெரிவித்தன. அவரது சடலம் கரவனல்ல வைத்தியசாலையில் வைக்கப்பட்டுள்ளது.

அமெரிக்காவினால் கதவுகள் அடைக்கப்படும் போது, ஐரோப்பிய ஒன்றியத்தின் தகவுகள் திறக்கப்படும் என்று எவராவது எண்ணினால் அது முற்றிலும் தவறாகும் என ஐக்கிய மக்கள் சக்தியின் பாராளுமன்ற உறுப்பினர் கலாநிதி ஹர்ஷ டி சில்வா தெரிவித்தார்.

அமெரிக்காவின் பரிந்துரைக்கு அமைவாக, இரு நாடுகளுக்கும் இடையிலான வர்த்தக இடைவெளியைக் குறைப்பதற்கான ஒரு முன்மொழிவு செவ்வாய்க்கிழமை நடைபெறும் விசேட கலந்துரையாடலின் போது அந்த நாட்டின் அதிகாரிகளிடம் முன்வைக்கப்படும் என்று தொழில் அமைச்சரும் பொருளாதார அபிவிருத்தி பிரதி அமைச்சர் அனில் ஜயந்த தெரிவித்தார்.

வரவிருக்கும் உள்ளூராட்சி மன்றத் தேர்தல்கள் தொடர்பாக 74 புதிய முறைப்பாடுகள் பெறப்பட்ட நிலையில், மொத்த முறைப்பாடுகளின் எண்ணிக்கை 600 க்கும் அதிகமாக உயர்ந்துள்ளது.

யாழ்ப்பாண பல்கலைக்கழக விஞ்ஞான பீட புதுமுக மாணவன் மீது தாக்குதல் மேற்கொண்டு சித்திரவதை புரிந்த குற்றச்சாட்டில் சிரேஷ்ட மாணவர்கள் இருவர் கைது செய்யப்பட்டு, நீதிமன்ற உத்தரவில் விளக்கமறியலில் வைக்கப்பட்டுள்ளனர்.

பூஸா சிறைச்சாலையில் கைதி ஒருவர் உயிரிழந்த சம்பவம் தொடர்பாக நீதி மற்றும் தேசிய ஒருங்கிணைப்பு அமைச்சர் ஹர்ஷன நாணயக்காரவின் அறிவுறுத்தலின் பேரில் விரிவான விசாரணை ஆரம்பிக்கப்பட்டுள்ளது.

யாழ்ப்பாண நகரில் போதை மாத்திரைகளுடன் இளைஞர் ஒருவர் யாழ் மாவட்ட குற்றத்த தடுப்பு பிரிவு பொலிஸாரால் கைது செய்யப்பட்டார். யாழ் நகர் பகுதியில் போதை மாத்திரைகளின் பரவல் அதிகரித்திருப்பதாகவும், விற்பனை செய்யப்படுவதாகவும் கிடைத்த தகவலுக்கு அமைய கைது நடவடிக்கை முன்னெடுக்கப்பட்டது.

ஒற்றையாட்சிக்குள் அதிகாரப் பகிர்வோ, தீர்வோ சரிவராது என்ற நிலைப்பாட்டை இந்தியப் பிரதமர் நரேந்திர மோடிக்கு எடுத்துரைத்தோம்." - என்று இந்தியப் பிரதமரைச் சந்தித்த பின்னர் தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் எம்.பி. தெரிவித்தார்.