நாம் சமையலுக்கு பயன்படுத்தும் பொருட்களில் எந்தெந்த பொருளுக்கு காலாவதி தேதி இல்லை என்பதை இந்த பதிவில் தெரிந்து கொள்வோம். பொதுவாக நாம் பயன்படுத்தும் ஒவ்வொரு உணவுப்பொருளுக்கும் காலாவதி தேதி கொடுத்திருப்பார்கள். ஆனால் இயற்கையில் சில பொருட்கள் பாக்டீரியா தாக்குதல்களை தாங்கும் திறன் கொண்டுள்ளது. இந்த பொருட்களில் குறைவான ஈரப்பதும், அதிக அமிலத்தன்மை மற்றும் இயற்கையான பாதுகாப்பு பூச்சு இருப்பதால் இவைகள் கெட்டுப்போகாமல் பாதுகாக்கப்படுகின்றது.

அவற்றினை மேித்து வைப்பதில் சிறிதளவு கவனத்துடன் செயல்பட்டால், அதனை பல ஆண்டுகள் வைத்து பயன்படுத்த முடியுமாம்.

கெட்டுப்போகாத உணவுகளில் முதலிடத்தில் இருப்பது தேன் ஆகும். இதில் குறைந்த ஈரப்பதம் மற்றும் அதிக அமிலத்தன்மை காரணமாக பாக்டீரியாக்களால் உயிர்வாழ முடியாதாம். ஆதலால் வருடக் கணக்கில் சேமித்து வைத்தாலும் வாசனையோடு ஃபிரெஷ்ஷாக இருக்குமாம்.

அதே போன்று வெள்ளை அரிசியை காற்றுப்புகாத கொள்கலனில் சேமித்து வைத்தால் 30 ஆண்டுகள் வரை கெட்டுப்போகாமல் இருப்பதுடன், ஆனால் பழுப்பு அரிசியல் உள்ள எண்ணெய்களின் காரணமாக விரைவில் கெட்டுவிடுமாம்.

உப்பு இயற்கையான பாதுகாப்பான் கொண்ட உணவாகும். இவை ஈரப்பதத்தை நீக்கி, பாக்டீரியாக்களின் வளர்ச்சியினைத் தடுக்கின்றது.

மசூர் பருப்பு போன்ற பருப்பு வகைகளை முழுமையாக உலர்த்தினால், பல ஆண்டுகள் வரை சேமித்து வைக்க முடியும். இவை சமைப்பதற்கு சற்று அதிக நேரம் எடுத்துக்கொண்டாலும், ஊட்டச்சத்துக்களும் அப்படியே இருக்கின்றது.

உப்பை போன்று சர்க்கரையும் ஈர்ப்பதத்தினை உறிஞ்சி, பாக்டீரியாக்களை விரட்டுகின்றது. கட்டிகள் இல்லாமல் காற்று போகாத கொள்கலன்களில் சேமித்து வைத்தால் கெட்டுப்போகாது.

அதிக அமிலத்தன்மை கொண்ட வெள்ளை வினிகர் ஒருபோதும் கெட்டுப்போவதில்லை. உணவுப்பொருட்களை பாதுகாக்கவும் பயன்படுத்தப்படுகின்றது.

சோயா சாஸில் உப்பு அதிகமாக இருப்பதால் இதனை திறந்து பயன்படுத்திய பின்பு குளிர்சாதனப்பெட்டியில் வைக்கவும். இவை நீண்ட காலத்திற்கு கெட்டுப்போகாமல் பயன்படுத்த முடியும்.