எல்லா காலகட்டங்களிலும் மிக மிக குறைவாகவும் எல்லோரும் எளிதாக வாங்கி உடனடியாக சாப்பிடக்கூடிய பழமாக பப்பாளி பழம் இருக்கிறது. இந்த பப்பாளியில் ஏராளமான சத்துக்கள் நிறைந்துள்ளது. வைட்டமின் ஏ, சி, இ போன்ற நிறைய சத்துக்கள் இதில் நிறைந்து இருக்கிறது. மேலும், இதில் சக்தி வாய்ந்த ஆன்ட்டி ஆக்ஸிடன்ட்டுகளும், பாப்பைன் என்னும் நொதிப் பொருளும் உள்ளது. இவ்வளவு சத்துக்கள் நிறைந்த பப்பாளி பழத்தை தினமும் நாம் ஒரு கப் அளவு எடுத்துக் கொண்டால் செரிமான பிரச்சனைகள் நோய் எதிர்ப்பு மண்டலம் அதிகரிக்கிறது.

இருப்பினும் இத்தனை ஆரோக்கியமான பழத்தை குறிப்பிட்ட சில ஆரோக்கிய பிரச்சனை இருப்பவர்கள் உட்கொள்வதை தவிர்க்க வேண்டும் என்று சொல்கிறார்கள். அப்படியாக, யார் இந்த பழத்தை சாப்பிடும் முன் யோசித்து சாப்பிட வேண்டும் என்பதை பற்றி பார்ப்போம்.

கர்ப்பிணிகள்:

கர்ப்ப காலத்தில் பெண்கள் பப்பாளி பழத்தை கட்டாயமாக சாப்பிடக்கூடாது. இது எல்லோரும் அறிந்து ஒன்றுதான். ப்பாளியில் அதிக அளவு லேடெக்ஸ் மற்றும் பாப்பைன் உள்ளது. இதனுடைய விளைவு பிரசவம் முன்னதாக அல்லது பிற சிக்கல்களுக்கு நமக்கு வழிவகுக்கும்.

இதய தாளக் கோளாறுகள்:

பப்பாளியில் சயனோஜெனிக் என்கின்ற இயற்கை சேர்மங்கள் உள்ளது. இவை உடலில் மெட்டபாலிச செயல்முறைகளின் பொழுது ஹைட்ரஜன் சயனடை வெளியிடும். அதலால், இதய பிரச்சினைகள் கொண்டவர்கள் இதை சாப்பிடும் பொழுது ஒரு ஆபத்து உருவாகிறது. அதனால், இதய தாளக் கோளாறுகள் மற்றும் பிற இதய பிரச்சினைகள் உள்ளவர்கள் அதிகமாக பப்பாளியை சாப்பிட்டால் அவர்களுடைய இதய தாளத்தை பாதிக்கலாம்.

லேடெக்ஸ் அழற்சி உள்ளவர்கள்:

லேடெக்ஸ் அழற்சி இருப்பவர்கள், பப்பாளி சாப்பிடுவதைத் தவிர்க்க வேண்டும்.பப்பாளியில் உள்ள புரதங்கள் லேடெக்ஸில் காணப்படும் ஒரு புரதங்களுடன் மிகவும் ஒன்றாக உள்ளது. எனவே, பப்பாளி உட்கொண்டால் அது அரிப்பு தும்மல் மற்றும் சுவாச பிரச்சனைகள் உண்டாக்கலாம்.

தைராய்டு பிரச்சனை உள்ளவர்கள்:

தைராய்டு பிரச்சனை கொண்டவர்கள் கட்டாயமாக பப்பாளி சாப்பிடுவதை தவிர்ப்பது நல்லது. இதில் இருக்கக்கூடிய கூறுகள் தைராய்டு ஹார்மோன்களின் செயல்பாடுகளை பாதித்து அதனால் அவர்களுக்கு உடல் சோர்வு சோம்பேறி மற்றும் குளிர் சகிப்புத்தன்மை ஆகிய அறிகுறிகளை இன்னும் அதிகரிக்கலாம். எனவே இவர்கள் தவிர்ப்பது நல்லது.

சிறுநீரில் கல் பிரச்சனை உள்ளவர்கள்:

பப்பாளியில் வைட்டமின் சி அதிகமாக உள்ளது. இந்த வைட்டமின் சி நோய் எதிர்ப்பு சக்தியை அதிகரிக்கிறது. ஆனால், சிறுநீரக கல் பிரச்சினை கொண்டவர்கள் பப்பாளி சாப்பிடும் போது அவர்களுக்கு தீங்கு விளைவிக்கும்.

இவர்கள் பப்பாளி சாப்பிடுகின்ற பொழுது வைட்டமின் சி அதிகரித்து உடலில் ஆக்சலேட்டை உருவாக்கி கால்சியத்துடன் கலந்து சிறுநீரக கற்களை இன்னும் அதிகரிக்கலாம். எனவே இவ்வாறான பிரச்சனை உள்ளவர்களும் தவிர்ப்பது நல்லது. மேலும், நாம் உடலில் ஏதேனும் பிரச்சனைகள் இருந்தால் கட்டாயமாக மருத்துவரை அணுகி பின் அந்த பழங்களை எடுத்துக் கொள்வது மட்டுமே நல்ல பலனை கொடுக்கும்.