அசந்த நேரம் ஆப்பு வைப்பதில் வருமானவரித்துறைக்கு நிகரில்லை. படம் வெளியாகிற நேரம் பார்த்து படையெடுப்பார்கள். அப்படித்தான் புலி படம் வெளியாகும் நேரம் அந்தப் படம் சம்பந்தப்பட்ட அனைவர் வீடு, அலுவலகங்களிலும் சோதனை செய்து கட்டு கட்டாக பணத்தை கைப்பற்றினார்கள். அப்படியொரு ஆபரேஷன் கரன்சியை பாலா அலுவலகத்திலும் நடத்தியது வருமான வரித்துறை. பாலா என்ன பச்ச புள்ளையா...? பணத்தை எல்லாம் மூட்டைகட்டி அலுவலகத்தில் வைக்க? அலுவலகத்தை புரட்டிப் போட்டும் காலணா கிடைக்கவில்லையாம் வந்தவர்களுக்கு. வியாபாரத்தை தாண்டி தனது படத்துக்கு செலவு செய்கிற பாலாவிடம் ஏது பணம் என்று சிலர் உச்சு கொட்டினாலும், பாலா ஒண்ணும் ஓணப்பத்திர ஆண்டி இல்லை என்பது நெருங்கியவர்களுக்கு தெரியும். பிசாசு, சண்டி வீரன் படங்களை தயாரித்தவகையில் எட்டு கோடி அளவுக்கு லாபம் பார்த்தவர் பாலா. வெறும் பெயரை வைத்து எட்டு கோடி சம்பாதிக்கும் நபர் தமிழ் இன்டஸ்ட்ரியிலேயே பாலாவாகத்தான் இருக்கும்.