பெங்களூர் சர்வதேச பட விழாவையொட்டி நடத்த கருத்தரங்கில் மணிரத்னம் மனம் திறந்து பேசினார். அவர் கூறும்போது... திரைப்பட தணிக்கை குழு சுயமாக செயல்படும் அமைப்பு அப்படித்தான் செயல்பட வேண்டும். ஆனால் பல ஆண்டுகளாக இந்த அமைப்பு அப்படி நடந்து கொள்வது இல்லை. தனது விருப்பப்படி சுயமாக செயல்படும் தன்மையை இழந்து ஆளும் அரசியல் ஆட்சிக்கு கட்டுப்பட்டு, அதன் விருப்பப்படி செயல்படுகிறது.எனது மும்பை, இருவர் படங்கள் தணிக்கை குழுவால் பெரும் சோதனையும், இன்னல்களையும் சந்தித்தது. எனவே, இதை குறிப்பிடுகிறேன்.

இன்றைய ரசிகர்கள் திரைப்படம் பற்றி அதிகமாக அறிந்து வைத்திருக்கிறார்கள். அவர்களுடைய ரசிப்புத்தன்மை நாளுக்கு நாள் அதிகரித்துக் கொண்டே இருக்கிறது. இதை நாம் புரிந்து கொள்ள வேண்டும்.அதற்கு ஏற்ப திரைப்பட படங்களை வழங்க வேண்டும். திரைப்படத்துறையின் முன்னேற்றத்துக்கு நம்மை தயார் படுத்திக் கொள்ள வேண்டும் என்றார்.