பாலச்சந்தரிடம் உதவி இயக்குனராக பணியாற்றி பின் உன்னை சரணடைந்தேன் என்ற படம் மூலம் இயக்குனர் அவதாரம் எடுத்தவர் சமுத்திரக்கனி. அப்படத்திற்கு பிறகு சசிகுமாரை ஹீரோவாக வைத்து அவர் இயக்கிய நாடோடிகள் திரைப்படம் அவருக்கு பெரிய ரீச் கொடுத்தது. அப்பட வெற்றியை தொடர்ந்து போராளி, நிமிர்ந்து நில் படங்கள் இயக்கினார், ஆனால் சரியாக போகவில்லை.

இதனால் இயக்கத்தில் இருந்து நடிகராக களமிறங்க சாட்டை, காப்பான், நம்ம வீட்டு பிள்ளை, சில்லுக்கருப்பட்டி, விநோதய சித்தம் என தொடர்ந்து நடிக்க தெலுங்கிலும் நடித்து வந்தார். சமீபத்தில் இவர் நடிப்பில் இந்தியன் 2, கேம் சேஞ்சர் படங்கள் வெளியாகி இருந்தன.

வெள்ளித்திரையில் முன்னணி நடிகராக, இயக்குனராக இருக்கும் சமுத்திரக்கனி நிறைய சீரியல்களை இயக்கியுள்ளாராம்.

இதுகுறித்து ஒரு பேட்டியில் அவரே பேசியும் உள்ளார். அண்ணி, சகானா, செல்வி, அரசி, அலைபாயுதே, தேன்மொழி போன்ற சீரியல்களை இயக்கியுள்ளேன்.

அதேபோல் ரம்யா கிருஷ்ணனின் தங்க வேட்டை நிகழ்ச்சியை கூட இயக்கி இருந்தேன் என கூற இதெல்லாம் நீங்கள் இயக்கிய சீரியல்களா என ரசிகர்கள் ஆச்சரியத்தில் உள்ளனர்.