இயல், இசை, நாடகம், கலையிலும் அறிவிலும் ஆற்றலிலும் ஈழத்தமிழர்கள் சளைத்தவர்கள் அல்ல, பல கலை மேதைகள் நம் மண்ணில் இருந்திருக்கிறார்கள், ஏன் இந்திய திரைத்துறையிலும் கூட சாதித்து இருக்கிறார்கள். முதல் முதலில் கிறிஸ்தவ வேதாந்த நூலான Bible தமிழில் மொழிபெயர்த்தவர் இலங்கையை சேர்ந்த ஆறுமுகநாவலர். கலையரசு சொர்ணலிங்கம் ஐயா, A ரகுநாதன் ஐயா போன்ற பல பல கலைஞர்கள் எங்கள் கலைகளை, கலாச்சாரம் சீரழியாமல் வளரவேண்டும் என்று பல ஆண்டுகளாக பாடுபட்டனர். கலை உலகிலும் சரி, திரையுலகிலும் சரி பல தயாரிப்பாளர்கள், கலைஞர்கள் துறையை வளர்க்கப் படாத பாடு பட்டுள்ளனர்.

ஏறக்குறைய 50 ஆண்டுகள் எங்கள் விடுதலைப்போர் சூழல் காரணமாக கலைத்துறையிலோ, திரைத்துறையிலோ பெரும் செயல்பாடுகள் ஏதும் நடக்காத காரணத்தால் பெரும் வளர்ச்சியோ மாற்றமோ ஏற்டபடவில்லை. ஆனால் அந்த காலகட்டத்தில் கலாச்சார சீரழிவுகள் ஏதும் நடக்கவில்லை என்பது நாம் மறுக்கமுடியாத உம்மை, அதற்கு காரணம் என்ன என்பதும் நாம் நன்கறிவோம். கடந்த சில வருடங்களாக நமது தாய் மண்ணில் பெண்கள் அழகு நிலையங்கள் அதிகரித்து வருவதோடு, அதைச்சார்ந்த நிகழ்வுகளும், நிகழ்ச்சிகளும், பாடல்காட்சி காணொளிகளும் அதிகரித்துக்கொண்டே இருக்கின்றன.

அவை நமது கலாச்சாரம் கெடாமல் இருக்கும் வரை எவருக்கும் எந்தவித கவலையும் இல்லை, ஆனால் இச்செயல்பாடுகள் நமது கலாச்சாரத்தை சீர்குலைக்கும் வகையில் உருவெடுக்கின்றது என்றால் அதைப்பற்றி நாம் சற்று கவனிக்கவேண்டிய பொறுப்பு நம் அனைவருக்கும் உள்ளது. நம் மண்ணில் கலைத்துறை, திரைத்துறை வளரவேண்டும், சந்தேகமே இல்லை, திரைத்துறை பொருளாதாரரீதியில் வெற்றியடைந்து வளராமல் கலைத்துறையில் யாரும் பெரும் வெற்றியைப் பெற முடியாது, ஒரு துறை வளர்ச்சியடைந்து இருக்கிறது என்றால் அத்துறையால் கலைஞர்களுக்கும் தயாரிப்பாளர்களுக்கும் பொருளாதார ஆதாயம் இருந்தால் மட்டுமே அதை வளர்ச்சி, வெற்றி என்று நாம் ஏற்றுக்கொள்ள முடியும்.

முயற்சி என்பது வருட காலமாக வெற்றி இன்றி அதே இடத்தில் இருக்கிறதது என்றால் நாம் வெற்றிபெற, அதாவது நமது படைப்புக்களை உலகம் முழுதும் கொண்டு செல்ல என்ன செய்யவேண்டும் என்ற செயற்ப்பாட்டை முதலில் ஆராய்ந்து நடவடிக்கை எடுத்து செயல்படவேண்டும். வலுவான ஒரு துறையே இல்லாது, இந்திய பிரபலங்களைப் போல், நீங்கள் நாளைய பிரபலம் ஆகலாம் என்ற ஆசையைக்காட்டி நமது பெண்களின் ஆவலைத்தூண்டி, அவர்களை தவறாக உபயோகித்து, தவறான பாதையில் அழைத்துச்சென்று, பெண்களை துஷ்பிரயோகம் செய்து, சமுதாயத்தில் ஒரு சீரழிவை ஏற்படுத்தும் வகையில் நிகழ்வுகள் நடைபெறுமே ஆனால் இது ஒரு சீரழிந்த சமூகத்தை உருவாக்கிறது என்றாலே, அது ஒரு ஆரோக்கியமான மாற்றமாக இருக்க வாய்ப்பே இல்லை.

இந்நிகழ்வுகளால் யாருக்கு லாபம், என்ன லாபம்? எங்கு பார்த்தாலும் Beauty Parlour, Bridal shoot, பெண்களை அழகுபடுத்தி, ஆசை காட்டி தாங்கள் பணம் சம்பாதிக்க வேண்டும் என்று ஒரு கூட்டம் கிளம்பி உள்ளது, அதே பெண்களை நட்சத்திரம் ஆக்குகிறோம் என்று ஆசை காட்டி வெளிநாட்டில் இருந்து வந்து அழகுராணி போட்டிகளை நடத்தி அதில் இருந்து பெண்களை துஷ்பிரயோகம் செய்வதோடு ஆள்கடத்தல் செய்து அதன்மூலம் பணம் சம்பாதிக்கும் நோக்கில் ஒரு கும்பல் இறங்கி உள்ளது, மொத்தத்தில் பாதிக்கப்படுவது பெண்களைப்பெற்ற பெற்றோற்களும், பிரபலம் ஆகவேண்டும் என்ற மோகம் கொண்ட இளம் பெண்களும், நமது கலாச்சாரமும்தான்.

ஒரு அமைப்பு திருமணம் சம்மந்தமான ஒரு நிகழ்வு நடத்துகிறது, திருமணம் செய்யும் பெண்களை என்ன உடை அணியவேண்டும் என்று ஒரு வரைமுறை உள்ளது அல்லவா? ஆனால் அந்நிகழ்வில், மேடையில் வரும் பல பெண்கள் இந்திய கவர்ச்சிநடிகை அணியும் உடை போல் அணிந்து பவனிவருவது என்ன அவசியம்? அம்மி மிதித்து, அருந்ததி பார்த்து திருமணங்கள் நடந்தது போக அருந்ததியே, மாற்று மோதிரம் கலாச்சாரத்ததை கொச்சைப்படுத்தும் அளவிற்கு அழகு நிலையங்கள் வடிவமைக்கும் ஆடைகளை ஆங்கீகரித்து மேடையேற்றி நமது திருமண கலாச்சாரத்தையே கொச்சைப்படுத்தும் அளவிற்கு ஏன் கவர்ச்சி கலாச்சாரம் நமது மண்ணில் ஊடுருவுகிறது?

புலன்பெயர்ந்த நாட்டில் இருந்து ஒரு கூட்டம் தாய் மண்ணில் இறங்கி இருக்கிறது, இவர்கள் வசிக்கும் நாட்டில் ஏற்கனவே இவர்களைப்பற்றி பல சர்ச்சைகள் இருப்பது அந்நாட்டில் வாழும் சிலரின் பதிவுகளில் இருந்து தெரியவந்தது. இந்த கூட்டம் இலங்கையில் வசிக்கும் பெண்களுக்கு பண ஆசையையும், வெளிநாட்டுப்பயணம் என்ற ஆசையையும் மற்றும் நீங்கள் நாளைய பிரபலம் ஆகலாம் என்ற ஆசையையும் காட்டி பல அழகுராணி நிகழ்வுகளை நடாத்தி வருகிறது, பெண்களும் இவர்களின் உள்நோக்கம் அறியாமல் சமூகவலைத்தள பிரபலத்திற்கு ஆசைப்பட்டு, இவர்கள் இழுக்கும் திசையெல்லாம் சென்றுகொண்டு இருக்கிறார்கள். அது மட்டுமின்றி, வெற்றியைக் கொண்டாடும் பெயரில் ஒரு இரவுநேர கேளிக்கை விடுதிகளில் குடியும், போதைப்பொருட்களும், குத்தாட்டமும்.

ஒரு நிகழ்ச்சி நடாத்தும் போது அந்நிகழ்ச்சி பற்றிய செய்திகள் மக்களை சென்றடையவேண்டும் என்றால், பிரபலமாக வேண்டுமென்றால், நிகழ்ச்சி பற்றிய செய்திகள் சமூக வலைத்தளங்களில் பகிரப்படவேண்டும் அல்லவா? இதில் வேடிக்கையும் அதிசயம் என்னவென்றால், இந்நிகழ்வுகளை நடாத்தும் நபர்களும், முன்னின்று செயல்பாடுகளை பொறுப்பெடுத்து நடாத்தும் நபர்களும் அவர்களின் முகநூலில் அவர்கள் அன்றாட வாழ்க்கையில் நடக்கும் சம்பவங்களையும், அவர்கள் கலந்துகொள்ளும் வேறு நிகழ்வுகளைப்பற்றி உடனுக்குடன் பகிரும் இவர்கள், இவர்கள் நடாத்தும் குறிப்பிட்ட நிகழ்ச்சிகள் பற்றி பதிவுகளைப் பகிர்வதில்லை, இச்செயல்பாடு நமது சந்தேகங்களை இன்னும் அதிகரிக்க வைக்கின்றது.

இதுபற்றி விசாரித்ததில், சில பொறுப்பாளர்கள் பெண்களை கூட்டிக்கொடுத்து பணம் சம்பாதிப்பதாகவும், இலங்கையில் சில முன்னணி தொலைக்காட்சிகள் இக்குழுக்கள் செயல்பாடுகள் கருதி, தமது தொலைக்காட்சியில் இவர்கள் நிகழ்ச்சிகளோ, செய்திகளோ வராமல் தடை செய்துள்ளதாக தகவல் கிடைத்தது. கலாச்சார உடையையொட்டி ஒரு நிகழ்ச்சி நடாத்துகிறோம் என்று கூறிவிட்டு ஒத்திகைகளில் அதே பெண்களை அரைகுறை உடையில் பார்த்து ரசிக்கும் கும்பல் எப்படி எமது கலாச்சாரத்தை பாதுகாக்கப்போகிறது? அவர்களுக்கு தேவை, ஒன்று பணம், இன்னொன்று பெண்களுடன் உல்லாசம், இதைத்தான் வளர்ச்சி என்பதா? இதுதான் கலையை வளர்ப்பதா? இதற்க்கெல்லாம் யாரை குறை கூறுவது.... அரசாங்கத்தையா? பிரபலம் , சமூக வளைதள மோகம் கொண்ட இளைய சமூகத்தையா? சுதந்திரம் என்ற பெயரில் தமது பிள்ளைகளை கட்டுப்படுத்த முடியாமல் தவிக்கும் பெற்றோர்களையா? பெண்ணாசையும், பொன்னாசையும் கொண்டு வெளிநாடுகளில் இருந்து தாய் நாடு வந்து சமூகத்தை ஆசை காட்டி வேஷம் போடும் துரோகிகளையா? தங்கள் வியாபாரத்துக்காக சமூக சீரழிவை நடாத்தும் வளர்ந்துவரும் அழகு நிலையங்களையா? இருப்பவர்கள் இருந்திருந்தால் இச்சீரழிவு நடந்திருக்குமா? விழித்தெழ வேண்டியது யார்? விழித்தெழு... விழித்தெழு பெண்ணே... விழித்தெழுங்கள் உறவுகளே...

எதிர்வரும் நவம்பர் 27, தமிழ்த்தேசிய மாவீரர் நாளின் முன்னாயத்தப் பணிகளின் ஆரம்பமாக, ஆலங்குளம் மாவீரர் துயிலுமில்லத்தில் இன்றையதினம் சிரமதானப் பணிகள் மாவீரர் பணிக்குழுவின் வழிகாட்டலில் ஆரம்பிக்கப்பட்டன. ஆலங்குளம் மாவீரர் பணிக்குழுவினால், முறைமைப்படுத்தப்பட்ட வகையில் ஒழுங்கமைக்கப்பட்ட மேற்படி சிரமதானப் பணிகளில் தமிழ்த்தேசிய உணர்வாளர்கள் பலரும் கலந்துகொண்டிருந்தனர்.

நாடளாவிய ரீதியில் வறுமை கோட்டின் கீழ் வாழும் மக்களின் பலதரபட்ட தேவைகளை பூர்த்தி செய்து வந்த 'Voice of Need' அமைப்பின்‌ தலைமை அலுவலகம்‌ கொழும்பில் நேற்று உத்தியோகபூர்வமாக ஆரம்பிக்கப்பட்டது. இவ்வமைப்பு கடந்த காலங்களில் தேவையுடையோருக்கான இலவச 90 குழாய் நீர் மற்றும் ஆழ் துளை கிணறு திட்டங்களும் . விதவைகளுக்கான கோழி பண்ணை திட்டங்களும் வறிய பாடசாலை மாணவர்களுக்கு பாடசாலை உபகரணங்களும் உலர் உணவு திட்டங்களும் போன்ற பல நூறு சேவைகளை இலவசமாக செய்து வந்துள்ளது.

70 பில்லியன் டொலர் மதிப்பிலான ஒன்ராறியோ லைன் போக்குவரத்து விரிவாக்கத் திட்ட கட்டுமானப் பணிகள் குறிப்பிடத்தக்க முன்னேற்றத்தை அடைந்துள்ளன. 15 நிறுத்தங்களைக் கொண்ட இத்தடவழிப் பாதை, ரொறன்ரோ பெரும்பாகப் பகுதிகளை இணைத்துப் பயண நேரத்தைக் குறைக்கும். இதேவேளை, ஸ்காபரோ நிலக்கீழ் தொடரிவழிப் பாதை நீட்டிப்பு வேலைகளும் ஏற்கனவே ஆரம்பித்துள்ளதும் நாம் முன்பை விட வேகமாக கட்டுமானங்களை மேற்கொள்கிறோம் என்பதையே காட்டுகிறது.

கவிஞர் புத்தளம் மரிக்கார் எழுதியுள்ள இரு நூல்களின் வெளியீட்டுவிழா புத்தளம் நகரில் சனிக்கிழமை இரவு (05-10-2024) மிக விமரிசையாக இடம்பெற்றது. புத்தளம் இஸ்லாஹிய்யா மகளிர் கல்லூரி ஷாமில் கேட்போர் கூடத்தில் இடம்பெற்ற இந்நிகழ்வுக்கு சிரேஷ்ட ஊடகவியலாளர் அஷ்ரப் சிஹாப்தீன் தலைமை வகித்தார். புத்தளம் CREATE இலக்கிய வட்டத்தின் ஏற்பாட்டில் நடைபெற்ற இந்நிகழ்வில் "ரகசியங்கள்" , "மைத்துளிகள் மரணிப்பதில்லை" ஆகிய இரு நூல்களே வெளியிட்டு வைக்கப்பட்டன. நிகழ்வில் பிரதம அதிதியாக முஸ்லிம் சமய பண்பாட்டு அலுவல்கள் திணைக்களத்தின் உதவிப் பணிப்பாளர் எம்.எஸ்.அலா அஹமத் கலந்து கொண்டார்.

கனேடிய தமிழர் பேரவை 2024 ஆம் ஆண்டிற்கான உண்மை மற்றும் நல்லிணக்கத்திற்கான தேசிய தினத்தை செப்டெம்பர் 29, 2024 அன்று, ஒன்ராறியோவின் ஜோர்ஜினாவில் உள்ள சட்டன் மாவட்ட உயர்நிலைப் பள்ளியில் ஜார்ஜினா தீவின் சிப்பேவாஸ் நடத்திய பவ் வாவ் நிகழ்ச்சியில் பங்கேற்றதன் மூலம் அனுசரித்திருந்தது. பாவ் வாவ், "நாவென்ட்வின்" (உறவினர்கள்) என்ற கருப்பொருளில், பாரம்பரிய நடனம், டிரம்மிங் மற்றும் கதைசொல்லல் ஆகியவை இடம்பெற்றன, இது CTC க்கு முதல் குடிகளின் கலாச்சாரத்துடன் ஈடுபடுவதற்கும் நல்லிணக்கத்தை நோக்கிய பயணத்தை பிரதிபலிக்கும் அர்த்தமுள்ள வாய்ப்பை வழங்கியிருந்தது.

முதலில் யாழ் போதனா வைத்தியசாலையின், பல காலம் வடக்கு பிராந்தியத்தில் மக்களுக்கு பெரும் சேவையாற்றுபவர்களும், பலரின் உயிர்களை காப்பாற்றியவர்களுமான இதய சிகிச்சை நிபுணர்களான வைத்திய கலாநிதி லக்ஷ்மன் மற்றும் வைத்திய கலாநிதி குருபரன் ஆகியோரையும் அதற்கு பின் கடந்த மூன்று ஆண்டுகளாக திறம்பட இதய அறுவை சிகிச்சைகளை மேற்கொண்டு பல உயிர்களை மீட்டு தந்தவருமான நிபுணர் வைத்திய கலாநிதி சிவசங்கர் மற்றும் அனஸ்தீசியா நிபுணரான வைத்திய கலாநிதி ரமணன் ஆகியோரை சந்தித்து அங்குள்ள நிலைமைகளை அறிந்தார்.

ஆகஸ்ட் 14, 2024 அன்று, கனடாவின் பிரம்டன் நகரிலுள்ள சிங்கூசிப் பூங்காவில் தமிழின அழிப்பு நினைவிடத்துக்கான அடிக்கல் நாட்டப்பட்டது. இது கனடாவில் மட்டுமன்றி உலகெங்குமுள்ள ஈழத் தமிழர்களுக்கான ஒரு வரலாற்று நிகழ்வாகக் கருதப்படுகிறது. இந்நிகழ்வு தமிழின அழிப்பு நடைபெற்றது என்பதற்கான சர்வதேச அங்கீகாரம், அதற்கான பொறுப்புக்கூறல் மற்றும் தமிழ் மக்களின் நீதிக்கான போராட்டம் போன்றவற்றின் ஒரு படிநிலையாக அமைகிறது. தமிழர்கள் மீதான இன அழிப்பை மறுதலிப்பவர்கள் இந்நிகழ்வைச் சீர்குலைக்க முனைந்த போதிலும், பிராம்ப்டன் நகரமுதல்வர் பட்றிக் பிரவுன், பிரம்ரன் தமிழ் ஒன்றியம், கனடிய தமிழர் தேசிய அவை (NCCT) மற்றும் பல தமிழ் அமைப்புகளின் பேராதரவுடன் நிகழ்வு வெற்றிகரமாக நடந்தேறியது.

ஆகஸ்ட் 14, 2024ல் கனடாவில் உள்ள பிராம்ப்டன் நகரில் அமைந்திருக்கும் சிங்குசி பூங்காவில் தமிழின அழிப்பு நினைவகத்திற்கான அடிக்கல் நாட்டப்பட்ட நிகழ்வானது கனடாவிலும் உலகெங்கிலும் உள்ள தமிழ் மக்களுக்கு ஒரு முக்கிய மைல்கல்லாக அமைந்தது. தமிழ் மக்களுக்கு எதிராக இடம்பெற்ற இன அழிப்பிற்கான அனைத்துலக அங்கீகாரம், சர்வதேச பொறுப்புக்கூறல் மற்றும் பரிகார நீதி ஆகியவற்றை அடைவதற்கான தமிழ் மக்களின் நீண்ட பயணத்தில், இது ஒரு முக்கியமான மைல்கல் ஆகும்.

ஒன்ராறியோ அரசாங்கம், உடல்நலம், உடற்பயிற்சி, சமூக ஒருங்கிணைப்பு போன்ற அமைப்புகளை மேம்படுத்தி சேவைகளை வழங்குவதன் மூலம் முதியோர்களின் வாழ்க்கைத் தரத்தை உயர்த்த முதியோர் வாழும் செயற்றிறன் மையங்களை (SALCs) விரிவுபடுத்துகிறது. இது தொடர்பாக அமைச்சர் விஜய் தணிகாசலம் கருத்துத் தெரிவிக்கும்போது, "முதியோர் வாழும் செயற்றிறன் மையங்களை (SALC) விரிவுபடுத்துவதன் மூலம், பெருமளவு முதியவர்கள், சுறுசுறுப்பானதும் சுதந்திரமானதுமான வாழ்க்கையை வாழத் தேவையான வசதிகளை நாங்கள் ஏற்படுத்திக்கொடுக்கவுள்ளோம்" என்றார். மாநிலம் முழுவதும் முந்நூறுக்கும் அதிகமான முதியோர் வாழும் செயற்றிறன் மையங்கள் (SALC) வெற்றிகரமான நிலையில் இயங்கிவரும் வேளையில், இம்முக்கிய திட்டங்களை இணைந்து வழங்க உள்ளூர் நிறுவனங்களையும் அரசாங்கம் அழைக்கிறது.

முல்லைத்தீவு மாவட்டத்தின் மல்லாவி ஆதார வைத்தியசாலையின் பயன்பாட்டிற்கான இரத்த சுத்திகரிப்பு இயந்திரம் கனடா செந்தில் குமரன் நிவாரண நிதியத்தினால் நேற்று ஞாயிற்று கிழமை மாலை வழங்கி வைக்கப்பட்டன. இந்நிகழ்வானது மல்லாவி ஆதார வைத்தியசாலையின் சிறுநீரக சிகிச்சை பிரிவு கட்டிடத் தொகுதியில் இடம்பெற்றிருந்தது. இதன்போது கனடா செந்தில்குமரன் நிவாரண நிறுவனத்தின் அனுசரணையில் 3,367,000 செலவில் இரத்த சுத்திகரிப்பு இயந்திரங்கள் மல்லாவி ஆதார வைத்தியசாலை நிர்வாகத்திடம் உத்தியோகபூர்வமாக கையளிக்கப்பட்டது.

நடப்புக் கல்வியாண்டுக்கான இறுதித்தேர்வு எட்டுத் தேர்வு மையங்களில் இனிதே நடைபெற்று முடிந்தது. கனடாவில் உள்ள 200 இற்கும் மேற்ப்பட்ட அறிவகத் தமிழ்ப்பள்ளி மாணவர்கள் இத் தேர்விற்கு முகம் கொடுத்தனர். தேர்வுப் பணிகளில் ஏறக்குறைய முன்னூறு ஆசிரியர்கள் பணியாற்றியமை குறிப்பிடத்தக்கது.

15 வருடங்கள் ஆகியும் தமிழ் மக்களுக்கு எதிராக நிகழ்ந்த கொடூர குற்றங்களுக்கு நீதி கிடைக்கவில்லை, குற்றங்கள் இன்று வரை தொடர்கின்றது. இதனால் உயிர் பிழைத்தோருக்கும், காணாமல் ஆக்கப்பட்டவர்களின் உறவுகளுக்கும் மிகவும் பெரும் மன உளைச்சலை கொடுக்கின்றது. இவர்களின் நினைவு கூரல் உரிமை கூட மறுக்கப்படுகின்றது. தமிழ் மக்களின் தாயகம், அரச பயங்கரவாத பாதுகாப்பு படையினரால் கொடூர அடக்குமுறைக்கு உள்ளாக்கப்பட்டுள்ளது. உண்மை கண்டறியப்பட்டு நீதியை நிலைநாட்ட வேண்டிய தேவை முன்னெப்போதையும் விட இன்று அதிகம் முக்கியத்துவம் வாய்ந்தது.

சில நாட்களுக்கு முன்னர், அசர்பைஜான் எல்லையில் ஹெலிகொப்டர் விபத்தில் உயிரிழந்த ஈரான் ஜனாதிபதி கலாநிதி இப்ராஹிம் ரைசி, ஈரான் வெளிவிவகார அமைச்சர் கலாநிதி ஹுசைன் அமீர் அப்துல்லாஹியான் உள்ளிட்ட எட்டு அரச அதிகாரிகளுக்கு, வணிக உலக சர்வதேச அமைப்பின் இயக்குனர் ரகு இந்திரகுமார் கொழும்பிலுள்ள ஈரான் தூதரகத்திற்குச் சென்று, தூதுவரைச் சந்தித்து தனது அனுதாபங்களைத் தெரிவித்ததோடு, விசேட நினைவுக்குறிப்பேட்டில் தனது அனுதாபச் செய்தியையும் பதிவிட்டார்.

சந்ததிகள் கடந்தும் தாயகம் இழந்தும் நீதிக்காக போராடும் தமிழ் இளையோர்கள் - பிரித்தானியாவில் முள்ளிவாய்க்கால் தமிழின அழிப்பு நினைவு தினத்தில் தமிழர்களின் வலியை உலகுக்கு உணர்த்திய தமிழ் இளையோர்களின் நடன நிகழ்வு.

யுத்தம் முடிவுக்கு வந்த பின்னரான தமிழர்களின் வாழ்வின் இருண்ட யுகங்களை பற்றி பேசும் படமாக ஊழி திரைப்படம் உருவாக்கப்பட்டுள்ளது. எதிர்வரும் மே 10ம் திகதி இலங்கையிலும், உலகளவிலும் இத்திரைப்படம் உலகளவில் திரையிடப்படவுள்ளது. ஈழத்தில் உருவாக்கப்பட்ட ஈழ திரைப்படமே ஊழி ஆகும். நாட்டில் இனவழிப்பு ஒன்று செய்யப்பட்ட பின்னர், தாம் நாட்டினை ஒன்றாகியதாக ஆட்சியாளர்கள் 2009ம் ஆண்டு கூறிய பின்னர், கிழக்கு மாகாணத்தில் தொடங்கும் கதையே ஊழி திரைப்படம். இந்த திரைப்படம் போருக்குப் பிந்தைய சூழலில் ஒரு சிறுவனின் வாழ்வு பற்றியும், 2009ம் ஆண்டிற்கு பின்னர் தமிழர்களின் இருண்ட யுகங்களை பற்றியும் பேசுகின்றது. இந்த திரைப்படத்தில் ஈழ கலைஞர்கள் , தென்னிந்திய கலைஞர்கள் மற்றும் தென்னிலங்கை கலைஞர்கள் பணியாற்றியுள்ளனர்.