முல்லைத்தீவு மாவட்டம் மாந்தை கிழக்கு பிரதேச செயலகத்தில் திருக்குறள் விழா இன்றைய தினம் இடம்பெற்றிருந்தது. உதவி பிரதேச செயலாளர் திரு .ம.ஜெபமயூரன் தலைமையில் இடம்பெற்றிருந்தது. நிகழ்வில் பிரதம விருந்தினர், சிறப்பு விருந்தினர் கௌரவ விருந்தினர்கள் அழைத்துவரப்பட்டனர். சம் நேரத்தில் திருவள்ளுவர் தோற்றத்துடன் நிகழ்விற்கு வருகை தந்திருந்த பள்ளி சிறுவன் பல்லக்கில் தூக்கி வரப்பட்டு நிகழ்வு நடைபெற்ற மாநாட்டு மண்டபத்திற்கு விருந்தினர்களுடன் அழைத்து வரப்பட்டனர்.

திருவள்ளுவர் சிலைக்கான மாலை அணிவித்தல் நிகழ்வுடன் ஆரம்பமாகிய நிகழ்வில் திருவள்ளுவர் சிலைக்கான மாலையினை திரு.க.லிங்கேஷ்வரன்(மாவட்ட பிரதம உள்ளக கணக்காய்வாளர் - முல்லைத்தீவு) அவர்கள் அணிவித்தருந்தார். தொடர்ந்து மங்கள விளக்கேற்றல் நிகழ்வு இடம்பெற்றிருந்தது

மங்கள விளக்கினை சிறப்பு விருந்தினராக கலந்து கொண்ட பிரதேச செயலாளர் செல்வி.ந.ரஞ்சனா ( பிரதேச செயலாளர் - மாந்தை கிழக்கு)ஏற்றிவைக்க, கௌரவ விருந்தினர்களும் ஏனைய அதிதிகளும் மங்கள விளக்கினை ஏற்றி வைத்தனர். தொடர்ந்து தமிழ்த்தாய் வாழ்த்து இடம்பெற்றி இருந்தது.

நிகழ்வில் ஆரணி நர்த்தனாலய மாணவர்களின் வரவேற்பு நடனமும் கரகாட்ட கலை நிகழ்வும் ,மாணவர்களின் கலை நிகழ்வுகளும் இடம்பெற்றன. இதேவேளை மாணவர்களுக்கான சான்றிதழ்களும் அதிதிகளினால் வழங்கி வைக்கப்பட்டன. நிகழ்வில் பிரதேச செயலக உத்தியோகத்தர்கள், மாணவர்கள், பொதுமக்கள் என பலரும் கலந்து கொண்டிருந்தனர்.