தீவக நினைவேந்தல் ஏற்பாட்டு குழுவினரால் ஏற்பாடு செய்யப்பட்ட, ஊர்காவற்துறை மாவீரர்களின் பெற்றோர் மற்றும் உரித்துடையோரை மதிப்பளிக்கும் நிகழ்வு நேற்றைய தினம் (24) ஊர்காவற்துறை மெலிஞ்சிமுனை பொது நோக்கு மண்டபத்தில் நடைபெற்றது.

இந்த நிகழ்வானது பொதுச் சுடர் ஏற்றப்பட்டு, மாவீரர்களின் திருவுருவப் படத்திற்கு மலர் அஞ்சலி தூவி ஆரம்பமானது. பின்னர் மாவீரர்களின் நினைவுகளை தொடர்ந்து மாவீரர்களின் பெற்றோர்கள் மற்றும் உரித்துடையவர்கள் கௌரவிக்கப்பட்டனர். இறுதியில் மாவீரர்களின் நினைவாக தென்னம்பிள்ளைகள் வழங்கப்பட்டன.

இந்நிகழ்வில் மாவீரர்களின் பெற்றோர்கள், உரித்துடையோர்கள், சமூக ஆர்வலர்கள் மற்றும் தமிழ் தேசிய செயற்பாட்டாளர்கள் என பலரும் கலந்துகொண்டனர்.