பிரித்தானியாவின் பழமை வாய்ந்த வோல்சிங்கம் தேவாலயத்தில் இன்று இடம்பெற்ற தமிழ் உற்சவத்திற்கு பல்லாயிரக்கணக்கான தமிழர்கள் பல பாகங்களில் இருந்தும் வருகை தந்திருந்தனர். பிரித்தனியா தமிழர் பேரவையினரால் 15ம் ஆண்டு முள்ளிவாய்கால் தமிழின அழிப்பு நினைவு நாளிற்கான அறிவித்தலும் , சிறிலங்காவில் தொடரும் தமிழின அழிப்பினை புதிதாக உருவாக்கப்பட்ட ஐ நா கட்டமைப்பில் (O SLAP) சாட்சியங்களை பதிவிடும் உலகளாவிய வேலைத்திட்டம் பற்றிய விபரங்களும் வழங்கப்பட்டன.

இவ் உற்சவத்திற்கு வருகை தந்திருந்த தமிழ் மக்கள் சாட்சியங்களை பதிவிடும் விபரங்களை கேட்டு அறிந்து கொண்டதுடன் தமிழின அழிப்பு நினைவு நாள் நிகழ்வுக்கான தமது தார்மிக ஆதரவினையும் வழங்கியிருந்தனர்.