பஞ்சாப் விமானப்படை தளத்தில் பயங்கரவாதிகள் நடத்திய தாக்குதல் குறித்து டுவிட்டரில் கருத்து தெரிவித்துள்ள காஷ்மீர் முன்னாள் முதல்வர் ஒமர் அப்துல்லா, இந்தியா-பாக்., பிரச்னைக்கு முடிவு கட்ட பிரதமர் மோடி தைரியமாக பாக்., சென்று வந்ததற்காக அவருக்கு விடுக்கப்பட்ட மிகப் பெரிய முதல் சவால் இது. எனது கடந்த கால அனுபவத்தை வைத்து கூறுகிறேன், விமானப்படை தளத்தை குறிவைத்து, கடந்த சில மணி நேரங்களுக்கு முன்பு தான் அவர்கள் எல்லை தாண்டி வந்திருக்க வேண்டும். பா.ஜ., முன்னர் கூறிய, பயங்கரவாதமும் பேச்சுவார்த்தையும் ஒருசேர நடக்க முடியாது. இத்தகைய தாக்குதல்கள் இந்தியா-பாக்., பேச்சுவார்த்தையை அவமதிப்பதாகும் என்ற கருத்தின்படி நடக்க வேண்டிய நிலை ஏற்பட்டுள்ளது என குறிப்பிட்டுள்ளார்.

அரியானா மாநிலம், ஜஜ்ஜர் மாவட்டத்தில் உள்ள நெடுஞ்சாலை சுங்கச் சாவடியில் வாகனத்துக்கான நுழைவுக் கட்டணத்தை செலுத்த மறுத்த பாஜக பிரமுகர் ஒருவர், அங்கிருந்த ஊழியர்களை தாக்கியுள்ளார். சம்ப்ளா நகராட்சித் தலைவரான சுதிர் குமார் மற்றும் அவரது ஆதரவாளர்களும் ரோதாக் டெல்லி சாலை வழியாக வெள்ளிக்கிழமை மாலை காரில் சென்றுக் கொண்டிருந்தனர். ஜஜ்ஜர் மாவட்டம், ரோகத் கிராமம் அருகே உள்ள சுங்கச் சாவடியில் அவரது காரை தடுத்து நிறுத்திய ஊழியர்கள் கட்டணம் கேட்டுள்ளனர். இதனை தர மறுத்த சுதிர் குமார் மற்றும் அரவது ஆதரவாளர்களும், சுங்கச் சாவடி ஊழியர்களை தாக்கிய காட்சிகள் கண்காணிப்பு கேமராவில் பதிவாகின.

இந்தியா மற்றும் பாகிஸ்தான் இடையே நல்லெண்ண அடிப்படையில் நேற்று சிறைக்கைதிகள் மற்றும் மீனவர்கள் பரஸ்பரம் விடுதலை செய்யப்பட்டனர். இருநாடுகளிடையே கடந்த 2008 மே 31-ம் தேதி ஏற்படுத்தப்பட்ட தூதரக அளவிலான ஒப்பந்தப்படி ஒவ்வொரு ஆண்டும் ஜனவரி ஒன்று மற்றும் ஜூலை 1-ம் தேதி இருநாட்டு சிறைகளிலும் உள்ளவர்களை பரிமாற்றம் செய்து கொள்ள வேண்டும். அதன் அடிப்படையில் ஜனவரி 1-ம் தேதியான நேற்று இந்த நடவடிக்கை மேற்கொள்ளப்பட்டது.

பஞ்சாப் மாநிலம் பதன் கோட் விமானப் படை தளத்திற்குள் இன்று அதிகாலை 4.30 மணியளவில் நுழைந்த பயங்கரவாதிகள் திடீர் தாக்குதலில் ஈடுபட்டனர். இதனையடுத்து பாதுகாப்பு வீரர்கள் பயங்கரவாதிகள் மீது துப்பாக்கிச்சூடு நடத்தினர். இச்சம்பவத்தில் பயங்கரவாதிகள் இருவர் கொல்லப்பட்டனர். தொடர்ந்து இருதரப்பினரிடையே துப்பாக்கிச்சூடு நடைபெற்று வருகிறது. தாக்குதல் தொடர்ந்து நீடித்து வருவதால் ராணுவத்தினர் அழைக்கப்பட்டுள்ளனர். இரண்டிற்கும் மேற்பட்டவர்கள் இத்தாக்குதலில் ஈடுபட்டுள்ளதாக குர்தாஸ்பூர் போலீஸ் எஸ்.பி., தெரிவித்துள்ளார்.

தமிழ் மாநில காங்கிரஸ் தலைவர் ஜி.கே.வாசனை மக்கள் நலன் கூட்டணியின் தலைவர்கள் வைகோ, திருமாவளவன், ராமகிருஷ்ணன், முத்தரசன் ஆகியோர் நேரில் சந்தித்து தங்களது அணியில் இணையுமாறு அழைப்பு விடுத்தனர். சட்டசபை தேர்தலில் தி.மு.க.- அ.தி.மு.க, பா.ஜ.க, பா.ம.க. அல்லாத கட்சிகளை ஒருங்கிணைக்கும் வகையில் மக்கள் நலக் கூட்டணி உருவாக்கப்பட்டது. இதில் இடதுசாரிகள், மதிமுக மற்றும் விடுதலை சிறுத்தைகள் இடம்பெற்றுள்ளன. இந்த அணியின் ஒருங்கிணைப்பாளராக வைகோ இருந்து வருகிறார்.

சுவாமி விவேகானந்தரின் 153 பிறந்த நாளையொட்டி பல்கலைக்கழகங்கள், கல்லூரிகளில் பல்வேறு நிகழ்ச்சிகள் நடத்துமாறு பல்கலைக்கழக மானியக் குழு (யுஜிசி) கேட்டுக்கொண்டுள்ளது. ஜனவரி 12-ஆம் தேதி சுவாமி விவேகானந்தரின் 153 பிறந்த தினமாகும். இதையொட்டி, நாடு முழுவதும் உள்ள பல்கலைக்கழகங்கள், கல்லூரிகளில் விவேகானந்தர் தொடர்பான திரைப்படங்களை திரையிடுவது, விரிவுரைகள், விவாத நிகழ்ச்சிகளை நடத்த வேண்டும் என்று யுஜிசி அறிவுறுத்தியுள்ளது.

சமூக ஆர்வலர் அன்னா ஹசாரே பிரமதர் மோடிக்கு எழுதியுள்ள கடிதத்தில், தேர்தலின் போது அளித்த வாக்குறுதிகளை நிறைவேற்றுங்கள் என வலியுறுத்தியுள்ளார். மேலும், கடந்த கால காங்கிரஸ் ஆட்சிக்கும் தற்போதைய பாரதீய ஜனதா கட்சி ஆட்சிக்கும் எவ்வித வேறுபாடும் இல்லை என்று கூறியுள்ளார். பிரமதர் மோடிக்கு புத்தாண்டு வாழ்த்து தெரிவித்து சமூக ஆர்வலர் அன்னா ஹசாரே கடிதம் எழுதியுள்ளார். கடந்த 2014 ஆம் ஆண்டு நடைபெற்ற மக்களவைத் தேர்தலின் போது வழங்கப்பட்ட வாக்குறுதிகளான கருப்புப் பணத்தை திரும்ப கொண்டு வருதல், ஊழலற்ற இந்தியாவை உருவாக்குதல் உள்ளிட்டவைகளை மோடி மறந்துவிட்டதாக அதில் குறிப்பிட்டுள்ளார்.

ம.தி.மு.க. பொதுச் செயலாளர் வைகோ எழும்பூரில் நிருபர்களுக்கு பேட்டி அளித்தார். அப்போது அவர் கூறியதாவது:

திருவாரூர் மாவட்டத்தில் இரண்டரை வயது பெண் குழந்தையை பாலியல் பலாத்காரம் செய்த கூலி தொழிலாளிக்கு பத்தாண்டு கடுங்காவல் சிறை தண்டனை விதித்து மகளிர் நீதிமன்றம் உத்தரவிட்டுள்ளது. இங்குள்ள நெடுபடிகள் கிராமத்தை சேர்ந்த கூலி தொழிலாளியான செல்வராஜ் என்பவர் கடந்த 13-1-2013 அன்று தனது வீட்டின் அருகே இருந்த இரண்டரை வயது குழந்தையை பாலியல் பலாத்காரம் செய்துவிட்டதாக பாதிக்கப்பட்ட குழந்தையின் தந்தை போலீசில் புகார் அளித்தார்.

மகாராஷ்டிர மாநிலத்தில் சுற்றுலாத்துறையை மேம்படுத்தும் வகையில் பிரபல ஹெலிகாப்டர் சேவை நிறுவனமான பவன் ஹன்ஸ் நிறுவனத்துடன் அரசாங்கம் புரிந்துணர்வு ஒப்பந்தம் செய்துள்ளது. இதுபற்றி முதல்வர் தேவேந்திர பட்னாவிஸ் கூறுகையில்,

கோவில்களில் நடத்தப்படும் ஆடல்-பாடல் நிகழ்ச்சிகளுக்கு போலீஸ் பாதுகாப்பு வழங்க அனுமதிக்க வேண்டும் என்று கோரி சென்னை ஐகோர்ட்டு மதுரை கிளையில் மனு தாக்கல் செய்யப்பட்டது. இந்த நிலையில் நீதிபதி எஸ்.வைத்தியநாதன், தாமாக முன்வந்து ஒரு வழக்கை பதிவு செய்தார். அதில், இந்துசமய அறநிலையத்துறை செயலாளர் எதிர்மனுதாரராக சேர்க்கப்பட்டார். அந்த வழக்கில் இந்து கோவில்களுக்கு வரும் பக்தர்கள் பின்பற்ற வேண்டிய ஆடைக் கட்டுப்பாடு குறித்து கடந்த நவம்பர் 26-ந்தேதி நீதிபதி உத்தரவு பிறப்பித்தார். அதில் கூறப்பட்டு இருந்ததாவது:- கோவில்களுக்கு வரும் பக்தர்கள் ஒழுக்கக் கேடான ஆடைகளை அணிந்து வருவதை கட்டுப்படுத்துவதற்காக இந்த உத்தரவு பிறப்பிக்கப்படுகிறது.

மத்தியப் பிரதேசத்தில் இயற்கை உபாதையைக் கழிக்க இரவில் சென்ற 18 வயது சிறுமியை கடத்தி பலாத்காரம் செய்து, அவர் மீது ஆசிட் வீசிய இருவரைப் போலீசார் தேடி வருகின்றனர். மத்தியப் பிரதேச மாநிலம் பிந்த் மாவட்டத்திலுள்ள லஹ்ரோலி கிராமத்தைச் சேர்ந்தவர் பாதிக்கப்பட்ட சிறுமி. கடந்த புதன்கிழமையன்று இரவில் இயற்கை உபாதையைக் கழிப்பதற்காக வீட்டை விட்டு வெளியில் வந்த இச்சிறுமியை அவரது மாமாக்கள் தாம்தா, முனீஷ் ராஜவத் ஆகிய இருவரும் கடத்திச் சென்று, அருகில் இருந்த வனப்பகுதியில் வைத்து பலாத்காரம் செய்துள்ளனர். பின்னர், ஆசிட் மூலம் அச்சிறுமியின் மீது தாக்குதல் நடத்தியுள்ளனர்.

ஒற்றை, இரட்டைப்படை எண்கள் கொண்ட கார்களை இயக்க சோதனை முயற்சி டெல்லியில் இன்று தொடங்கியது. இது தொடர்பாக கருத்து தெரிவித்த டெல்லி முதல்-மந்திரி அரவிந்த் கெஜ்ரிவால், சாத்தியமில்லாததை டெல்லி சாதித்துள்ளது என்று பெருமிதத்துடன் குறிப்பிட்டுள்ளார். டெல்லியில் அளவுக்கு அதிகமாக உள்ள காற்று மாசுபாட்டை கட்டுப்படுத்தும் வகையில் டெல்லி மாநில அரசு தீவிர முயற்சி மேற்கொண்டுள்ளது. அதன் ஒரு அங்கமாக ஒற்றைப்படை எண்கள் கொண்ட கார்கள் ஒற்றைப்படை தேதிகளிலும், இரட்டைப்படை எண்கள் கொண்ட கார்கள் இரட்டைப்படை தேதிகளிலும் சாலையில் செல்ல அனுமதிக்கும் திட்டத்தை 15 நாட்களுக்கு டெல்லி அரசு அறிமுகப்படுத்தியது. சோதனை முயற்சியாக மேற்கொள்ள முடிவெடுக்கப்பட்ட இந்த திட்டம் இன்று (வெள்ளிக்கிழமை) தொடங்கியது. வருகிற 15-ந்தேதி வரை 15 நாட்களுக்கு காலை 8 மணி முதல் இரவு 8 மணி வரை இந்த நடைமுறை கடைப்பிடிக்கப்படும். இந்த கட்டுப்பாட்டை மீறுபவர்களுக்கு ரூ.2 ஆயிரம் அபராதம் விதிக்கப்படும்.

வரும் சட்டப் பேரவைத் தேர்தலில் கூட்டணி குறித்து அப்போதைய சூழ்நிலைக்கேற்ப சரியான முடிவை எடுப்பேன் என்று முதல்வரும், அந்தக் கட்சியின் பொதுச் செயலருமான ஜெயலலிதா கூறினார். மேலும், தமிழகத்தில் அதிமுக ஆட்சி மீண்டும் அமையும் என்றும் அவர் கூறினார். அதிமுகவின் செயற்குழு, பொதுக்குழுக் கூட்டம் திருவான்மியூரில் வியாழக்கிழமை நடைபெற்றது. இதில், ஜெயலலிதா பேசியது: ""சட்டப் பேரவைத் தேர்தல் தொடர்பான அனைத்து முடிவுகளையும் எடுப்பதற்கு முழு அதிகாரம் அளிக்கப்பட்டுள்ளது. ஒவ்வொரு தேர்தலிலும் அவ்வப்போது உள்ள சூழ்நிலைகளுக்கு ஏற்ப தேர்தல் வியூகங்களை அமைத்து வருகிறேன். உத்திகளை வகுத்த பின் முடிவு: தேர்தல் களத்தில் வெற்றி பெற பல்வேறு உத்திகளைக் கடைப்பிடிக்க வேண்டும். எதிரிகளின் சூழ்ச்சிகளை முறியடிக்கும் விதமாக உத்திகளை வகுக்க வேண்டும். தேர்தலைச் சந்திப்பதற்கு எக்காலத்துக்கும் பொருந்தக் கூடிய உத்தி என்று எதுவும் கிடையாது.

உலகம் முழுவதும் புத்தாண்டு கொண்டாட்டங்கள் களை கட்டியது. இந்தியாவிலும் உற்சாகமாக 2016 ஆம் ஆண்டு வரவேற்கும் விதமாக உற்சாகமாக கொண்டாடப்பட்டது. பழையன மறந்தும் புதிய சிந்தனைகள், எதிர்பார்ப்புகள், நம்பிக்கையோடு பிறந்துவிட்டது புதிய ஆண்டு 2016 உலகம் முழுவதும் முக்கிய நகரங்களில் வாண வேடிக்கையுடன் புத்தாண்டை உற்சாகமாக வரவேற்றனர். 2015-ம் ஆண்டு நிறைவடைந்து 2016-ம் ஆண்டு துவங்கியது, முன்னதாக உலகிலேயே முதல் நாடாக நியூசிலாந்தில் புத்தாண்டு பிறந்தது. புதிய ஆண்டை வரவேற்கும் விதமாக அந்நாட்டு தலைநகர் வெலிங்டனில் வான வேடிக்கைகளுடன் புத்தாண்டு கொண்டாட்டங்கள் களைகட்டியது. நியூசிலாந்தின் ஆக்லாந்து நகரில் வாண வெடி வெடித்து புத்தாண்டை இனிதே வரவேற்றனர். தைவான் தலைநகர் தைப்பே நகரில் உயரமான கட்டடம் ஒன்றில் வண்ண வாண வேடிக்கையுடன் புத்தாண்டை கொண்டாடினர். தாய்லாந்திலும் புத்தாண்டையொட்டி பட்டாசு வெடித்து அந்நாட்டு மக்கள் கொண்டாடினர். இதையடுத்து ஆஸ்திரேலியாவின் சிட்னியில் வாண வேடிக்கையுடன் புத்தாண்டை ஆடல் பாடலுடன் அந்நகர மக்கள் வரவேற்றனர்.

11 வயதில், தனக்குரிய இணைய தளத்தைத் தானே வடிவமைத்தவர்- அதுவும் 24 மணிநேரத்தில். தான் கற்றதோடு மட்டும் நிறுத்தவில்லை இவர். கற்பிக்கவும் தொடங்கினார். தன் 11வயதில், 25 க்கும் மேற்பட்ட இன்ஜினியரிங் கல்லூரிகளுக்கு அழைக்கப்பட்டு அங்கு Final Year மாணவர்கள், கல்லூரிப் பேராசிரியர்கள், துறைத் தலைவர்கள் (HOD

பாமக நிறுவனர் ராமதாஸ் வெளியிட்டுள்ள அறிக்கை:அரசியல் கட்சியின் சார்பில் பொதுக்குழு கூட்டம் நடத்தப்படும் போது அக்கட்சியின் தொண்டர்கள் மகிழ்ச்சியும், உற்சாகமும் அடைவது இயல்பு தான். ஆனால், அந்த மகிழ்ச்சியையும், உற்சாகத்தையும் அவர்கள் வெளிப்படுத்தும் விதம் மற்றவர்களுக்கு பாதிப்பை ஏற்படுத்தாத வகையில் அமைய வேண்டும். ஆனால், அதிமுக பொதுக்குழுவுக்காக சென்னையில் நடந்தவை அனைத்தும் அத்துமீறல்கள் தான். முதலமைச்சர் ஜெயலலிதாவின் புகழ்பாடி அவரிடம் நல்ல பெயர் எடுத்துவிட்டால் போதும்... எவ்வளவு ஊழல்கள் வேண்டுமானாலும் செய்யலாம்; அதை யாரும் கேட்க மாட்டார்கள் என்று கருதும் அதிமுக அமைச்சர்களும், நிர்வாகிகளும் ஜெயலலிதாவின் கண்களில் படும் வகையில் பதாகைகளை வைக்க வேண்டும் என்பதற்காக போயஸ் தோட்டம் தொடங்கி பொதுக்குழு நடைபெறும் இடம் வரை உள்ள அனைத்து சாலைகளின் மையத் தடுப்புகளையும், நடைபாதைகளையும் ஆக்கிரமித்துள்ளனர்.

முன்னர் பாலியல் துன்புறுத்தல்களை மேற்கொண்ட 600,000 பேரை, புதுவருடத்துக்கு முந்தைய தினமான இன்று வியாழக்கிழமை (31), இந்தியப் பொலிஸார் அசிங்கப்படுத்தியிருந்தனர். அவர்களைச் சூழவுள்ள பெண்களிடையே சிறந்த நடத்தையை வெளிப்படுத்துமாறும் இல்லாவிடில் பின்விளைவுகளை எதிர்கொள்ள நேரிடும் என்றும் குறுஞ்செய்திகள் மூலம் எச்சரிக்கப்பட்டிருந்தனர். நீங்களும் உங்களது அலைபேசியும் இன்னும் கண்காணிப்பிலேயே உள்ளது. தற்போது உங்களது நடத்தை நன்றாக உள்ளது என நம்புகிறோம். உங்களுக்கு புதுவருட வாழ்த்தை தெரிவித்துக் கொள்கிறோம் என உத்தர பிரதேச பொலிஸாரினால் அனுப்பப்பட்ட குறுஞ்செய்தியில் தெரிவிக்கப்பட்டிருந்தது.

தே.மு.தி.க. தலைவர் விஜயகாந்த், தனக்கு எதிராக பத்திரிகையாளர்கள் நடத்தும் ஆர்ப்பாட்டங்கள் குறித்து இன்று அறிக்கை வெளியிட்டுள்ளார். அதில் அவர் கூறியிருப்பதாவது:- கடந்த சில நாட்களாக பத்திரிகையாளர்கள் என்ற பெயரில் ஜெயா டிவியைச் சார்ந்தவர்களுடன் அ.தி.மு.க.வினரும் சமூக விரோதிகளும் ஒன்றுசேர்ந்து தே.மு.தி.க. தலைமை அலுவலகத்தை முற்றுகையிட வருவதும், எனது வீட்டை முற்றுகையிட வருவதுமென தொடர்ந்து தாக்குதல் நடத்த முயற்சி செய்தார்கள். மேலும், தரக்குறைவான மற்றும் ஆபாச வார்த்தைகளாலும் கடுஞ்சொற்களாலும் கோஷமிட்டனர். காவல்துறையில் இதுகுறித்து பலமுறை புகார் கூறியும் எவ்வித நடவடிக்கையும் எடுக்கவில்லை. இத்தனைக்கும் எனது இல்லத்திற்கு அருகிலேயேதான் காவல் நிலையமும் இருக்கிறது.

நாகையிலிருந்து 3 மீன்பிடி படகுகளில் கடலுக்குள் மீன்பிடிக்கச் சென்ற நாகை மீனவர்கள் 29 பேரை இலங்கைக் கடற்படையினர் புதன்கிழமை மாலை கைது செய்தது வியாழக்கிழமை காலை தெரியவந்தது. இந்த மீனவர்கள் 29 பேரும் நாகை அக்கரைப்பேட்டை மீனவக் கிராமத்தைச் சேர்ந்தவர்கள். இவர்கள், கடந்த 27-ம் தேதி கடலுக்குள் மீன்பிடிக்கச் சென்றவர்கள் எனவும், இலங்கைக் கடற்படையினரால் கைது செய்யப்பட்ட 29 பேரும் திரிகோணமலை காவல் நிலையத்தில் ஒப்படைக்கப்பட்டுள்ளனர் எனவும் மீனவர் வட்டாரங்கள் தெரிவிக்கின்றன.

நாடாளுமன்றத்தை ஒழுங்காக நடத்துவதற்கு புத்தாண்டிலாவது தீர்மானம் எடுங்கள் என காங்கிரஸ் கட்சியை கடுமையாக விமர்சித்தார் பிரதமர் மோடி. நாடாளுமன்றம் தொடர்ந்து முடக்கப்படுவதால் சரக்கு-சேவை வரி உள்ளிட்ட முக்கியமான மசோதாக்கள் நிறைவேற்றப்படாததால், நாட்டின் வளர்ச்சி தடைப்பட்டுள்ளது என்றார் மோடி. நோய்டாவில் இன்று நடைபெற்ற பொதுக்கூட்டத்தில் கலந்து கொண்டு மோடி பேசியதாவது: கடந்த 60 ஆண்டுகளாகப் பதவியை அனுபவித்த காரணத்தாலேயே நாடாளுமன்ற நடவடிக்கைகளை முடக்குவதற்கு எந்த உரிமையும் இல்லை என்று காங்கிரஸ் கட்சியை மறைமுகாக தாக்கினார். மேலும், அரசியல் காரணங்களால் நாட்டின் வளர்ச்சியை முடக்கக் கூடாது என்றார்.

கடந்த ஞாயிற்றுக் கிழமை பத்திரிகையாளர்கள் சந்திப்பின் போது கேள்வி கேட்ட செய்தியாளர்களை காரித்துப்பிய தேமுதிக தலைவர் விஜயகாந்துக்கு கண்டனம் தெரிவிப்பதற்காக சென்னை சாலிகிராமத்தில் உள்ள விஜயகாந்த் வீட்டை பத்திரிகையாளர்கள் இன்று முற்றுகையிட்டு ஆர்ப்பாட்டம் நடத்தினர். அப்போது தேமுதிகவினர் பத்திரிகையாளர்கள் மீது கல்வீசி தாக்கினர். இந்த கல்வீச்சில் பத்திரிகையாளர்கள் படுகாயமுற்றனர். விருகம்பாக்கம் காவல்நிலையம் அருகே நடந்த இந்த சம்பவத்தால் பரபரப்பு ஏற்பட்டது.

பெட்ரோல் கசிவு மற்றும் பயணிக்கு நெஞ்சு வலி ஏற்பட்டதால் மும்பை விமான நிலையத்தில் 2 விமானங்கள் அவசர அவசரமாக தரையிறக்கப்பட்டது. இதனால் விமான நிலையத்தில் பரபரப்பு ஏற்பட்டது. இலங்கை தலைநகர் கொழும்புவில் இருந்து மஸ்கட் நோக்கி கடந்த திங்கட்கிழமை இரவு 11.37 மணியளவில் விமானம் ஒன்று சென்று கொண்டு இருந்தது. அந்த விமானத்தில் 76 பயணிகள் மற்றும் 6 சிப்பந்திகள் இருந்தனர். இந்தநிலையில் நடுவானில் பறந்து கொண்டு இருந்தபோது விமானத்தில் பெட்ரோல் கசிவு ஏற்பட்டுள்ளதை விமான ஓட்டிகள் கண்டு பிடித்தனர். இதனால் அதிர்ச்சி அடைந்த அவர்கள் விமானத்தை மும்பை விமான நிலையத்தில் அவசர அவசரமாக தரையிறக்கினர். பின்னர் பெட்ரோல் கசிவு சரிசெய்யப்பட்டு அந்த விமானம் மீண்டும் நேற்று முன் தினம் அதிகாலை 8.35 மணியளவில் மஸ்கட் கிளம்பி சென்றது.

அதிமுகவுடன் கூட்டணி வைத்ததற்காக வேதனைப்படுகிறேன் என தேமுதிக தலைவர் விஜயகாந்த் தெரிவித்துள்ளார். இதுதொடர்பாக அவர் வெளியிட்டுள்ள அறிக்கை: தஞ்சையில் தேமுதிக சார்பில் நடத்தப்பட்ட ஆர்ப்பாட்டம் முடிந்து கட்சியினர் கலைந்து சென்ற பின்னர், அதிமுகவைச் சேர்ந்தவர்கள் மேடை ஒலிபெருக்கிகள், பேனர்கள், கட்சிக் கொடிகளை அடித்து, நொறுக்கி தீவைத்தும் கொளுத்தினர். அதன் தொடர்ச்சியாக தமிழகம் முழுவதும் தேமுதிக பேனர்கள் கிழிக்கப்பட்டு, எனது உருவ பொம்மை எரிக்கப்பட்டது. இந்த அராஜகம் நடக்கும்போது அமைதியாக இருந்துவிட்டு மறுநாள், தேமுதிகவைச் சார்ந்தவர்கள் தரம் தாழ்ந்து நடந்துகொண்டதாக தமிழக முதல்வர் அறிக்கை வெளியிட்டுள்ளார்.

கிழக்கு தில்லியில் உள்ள வணிக வளாகத்தில் மகளிருக்கென பிரத்யேக மதுபான விற்பனையகம் திறக்கப்பட்டுள்ளது. மது அருந்தும் பழக்கம் ஆண்களிடையே அதிகம் இருந்தாலும், தில்லி போன்ற பெருநகரங்களில் பெண்களில் இளைய தலைமுறையினர் சிலரிடையே மதுப் பழக்கம் உள்ளது. அதேவேளையில், மதுக் கடைகளுக்கு ஆண்கள் போல பெண்களும் சகஜமாகச் சென்று மதுபானம் வாங்குவதில் சில அசௌகரியம் இருப்பதாகக் கூறப்படுகிறது.

தில்லி கிரிக்கெட் சங்க முறைகேடு விவகாரம் தொடர்பான விசாரணையை முடித்துக் கொள்ளும்படி, தில்லி காவல்துறை ஆணையர், சிறப்பு ஆணையருக்கு மத்திய நிதியமைச்சர் அருண் ஜேட்லி எழுதியதாக கூறப்படும் 2 கடிதங்களை ஆம் ஆத்மி கட்சி புதன்கிழமை வெளியிட்டது. ஆனால், இந்தக் குற்றச்சாட்டுகளை பாஜக திட்டவட்டமாக மறுத்துள்ளது. அந்தக் கடிதங்களில் தவறாக எதுவும் இல்லை என்று அக்கட்சி விளக்கம் அளித்துள்ளது. முன்னதாக, தில்லியில் அந்த 2 கடிதங்களையும் ஆம் ஆத்மி கட்சியின் மூத்த தலைவர் ஆசுதோஷ் செய்தியாளர்கள் முன்னிலையில் புதன்கிழமை வெளியிட்டுப் பேசினார். அப்போது அவர் கூறியதாவது: தில்லி கிரிக்கெட் சங்கத் தலைவராக அருண் ஜேட்லி கடந்த 1999ஆம் ஆண்டு முதல் 2013ஆம் ஆண்டு வரை சுமார் 13 ஆண்டுகள் பதவி வகித்தார்.

2016-ல் இணையதளம் உபயோகிப்போர் எண்ணிக்கை 50 கோடியை எட்டும் என்று மத்திய அமைச்சர் ரவிசங்கர் பிரசாத் தெரிவித்துள்ளார். நாட்டில் தற்போது இணையதள வாடிக்கையாளர் களின் எண்ணிக்கை 40 கோடி யாக உள்ளது என்று மத்திய தகவல் தொடர்புத்துறை அமைச்சர் குறிப்பிட்டார். இது குறித்து அவர் மேலும் தெரிவிக்கையில், 2 ஆண்டுகளில் இணையதளம் உபயோகிப்போர் எண்ணிக்கை 50 கோடியை எட்டுவதே இலக்கு என்று முன்னர் தெரிவித்தேன். அந்த இலக்கு அடுத்த ஆண்டு எட்டப்பட்டுவிடும் என்று கூறினார்.

தமிழக அரசின் அதிகாரத்தை பயன்படுத்தி அரசியல் சாசனத்தின் 161-வது பிரிவின் கீழ் 7 தமிழரையும் விடுதலை செய்ய வேண்டும் என்று தமிழக வாழ்வுரிமை கட்சி தலைவர் வேல்முருகன் வேண்டுகோள் விடுத்துள்ளார்.

இதுதொடர்பாக அவர் வெளியிட்டுள்ள அறிக்கை:

ராஜிவ் கொலை வழக்கில் வேலூர் சிறையில் உள்ள பேரறிவாளன் உள்ளிட்டோரை இன்று நான் சந்தித்து பேசினேன். அப்பொழுது 3 தமிழரின் மரண தண்டனையை குறைக்க வலியுறுத்தி சட்டசபையில் தமிழக முதல்வர் முன்மொழிந்த தீர்மானம் குறித்தும், 7 தமிழரை விடுதலை செய்வது குறித்து முதல்வர் அறிவித்தது; மத்திய அரசுக்கு கடிதம் எழுதியது உள்ளிட்ட இடைவிடாத முயற்சிகளுக்காக முதல்வருக்கு கண்ணீருடன் நன்றி தெரிவித்துக் கொண்டனர்.